मुंबई : अभियांत्रिकी आणि तंत्रज्ञान समाधान कंपनी सायंट लिमिटेड (Cyient Ltd) २०२४-२५ या आर्थिक वर्षासाठी त्यांच्या भागधारकांना प्रति शेअर १४ रुपये अंतिम लाभांश देणार आहे. यासाठीची रेकॉर्ड तारीख अद्याप निश्चित झालेली नाही. यापूर्वी, कंपनीने २०२५ च्या आर्थिक वर्षासाठी प्रति शेअर १२ रुपये अंतरिम लाभांश दिला होता. तर २०२४ च्या आर्थिक वर्षासाठी प्रति शेअर १८ रुपये अंतिम लाभांश वितरित करण्यात आला.कंपनीच्या शेअरची किंमत सध्या बीएसई वर ११७०.३५ रुपये आहे.बीएसईवर या शेअरचा ५२ आठवड्यांचा उच्चांक १६ सप्टेंबर २०२४ रोजी २,१५६.३५ रुपयांवर निर्माण झाला. तर ७ एप्रिल २०२५ रोजी १,०५०.२० रुपयांचा ५२ आठवड्यांचा नीचांक दिसून आला. शेअर्समध्ये घसरणसायंट लिमिटेडचे शेअर्स २०२५ मध्ये आतापर्यंत ३५ टक्क्यांनी घसरले आहेत. एका महिन्यात किंमत १० टक्क्यांनी घसरली आहे. मार्च २०२५ अखेर कंपनीमध्ये प्रवर्तकांचा २३.२९ टक्के हिस्सा होता. कंपनीचे मार्केट कॅप १३००० कोटी रुपये आहे. कंपनीने शेवटचे बोनस शेअर्स २०१० मध्ये वाटले होते. शेअरहोल्डर्सना त्यांच्याकडे असलेल्या प्रत्येक १ शेअरसाठी १ नवीन शेअर बोनस म्हणून मिळाला. मार्च तिमाहीत नफ्यात घटजानेवारी-मार्च २०२५ च्या तिमाहीत सायएंट लिमिटेडचा निव्वळ एकत्रित नफा वार्षिक आधारावर ५ टक्क्यांनी घसरून १८६.४ कोटी रुपयांवर आला. नफा मार्च २०२४ च्या तिमाहीत सुमारे १९७ कोटी रुपयांचा होता. कंपनीच्या भागधारकांना मिळणारा नफा १७०.४ कोटी रुपये होता, जो गेल्या वर्षी १८९.२ कोटी रुपये होता. एकत्रित उत्पन्न ३.५ टक्क्यांनी वाढून १९५०.२० कोटी रुपये झाले. एक वर्षापूर्वी हा आकडा १८८४.२ कोटी रुपये होता. कंपनीचा एकूण खर्च मार्च २०२५ च्या तिमाहीत १६२५.१ कोटी रुपयांवरून वाढून १६९३.५ कोटी रुपयांवर पोहोचला.