'ஒரே பூமி, ஒரே ஆரோக்கியத்துக்கான யோகா' என 11 ஆவது சர்வதேச யோகா தினம் இன்று (ஜூன் 21) கொண்டாடப்படுகிறது.

இதையொட்டி, ஆந்திர மாநிலம், விசாகப்பட்டிணத்தில் பிரதமர் நரேந்திர மோடி தலைமையில் பிரமாண்ட யோகா நிகழ்ச்சி இன்று அதிகாலையிலே தொடங்கி நடைபெற்றது.

இந்நிகழ்ச்சியில் 3 லட்சத்துக்கும் மேற்பட்டோர் பங்கேற்றுள்ளதால் கின்னஸ் சாதனை நிகழ்ச்சியாக நடத்தத் திட்டமிடப்பட்டுள்ளது.

இந்நிகழ்ச்சியில் பேசியிருக்கும் பிரதமர் மோடி, "யோகா அனைவருக்கும் பொதுவானது, எல்லைகளற்றது. வயது, உடல் குறைபாடுகள் என அனைத்தையும் தாண்டி அனைவருக்குமானதாக இருக்கிறது.

இந்த யோகா தினம் மனிதக்குலத்திற்கானது. யோகா இப்போது உலகெங்கிலும் உள்ள கோடிக்கணக்கான மக்களின் வாழ்க்கையின் ஒரு பகுதியாக மாறிவிட்டது.