கொரோனா தடுப்பூசி, கொரோனா தொற்றிலிருந்து பாதுகாக்கும் என்பது தெரிந்த விஷயம் தான் என்றாலும், அதற்கு அப்பாற்பட்டு மிகவும் முக்கியமான, ஆச்சரியமான நன்மை ஒன்றை அமெரிக்க ஆய்வு தற்போது வெளிப்படுத்தியுள்ளது. புற்றுநோய்க்கு நோயெதிர்ப்பு சிகிச்சை (Immune Checkpoint Therapy) பெற்று வரும் நோயாளிகளில், mRNA தடுப்பூசி (மாடர்னா/பயோஎன்டெக்) வாழ்க்கைநாட்களை அதிகரிக்கும் என்று Nature இதழில் வெளியான ஆய்வு நிரூபித்துள்ளது.

குறிப்பாக, தோல் புற்றுநோய் (Melanoma), நுரையீரல் புற்றுநோய் நோயாளிகள் 1,000க்கும் மேற்பட்டவர்களை ஆய்வு செய்ததில், தடுப்பூசி பண்பு மிகச்சிறந்த பலன் தருவதாக கண்டறியப்பட்டுள்ளது. சிகிச்சை தொடங்கிய 100 நாட்களுக்குள் mRNA தடுப்பூசி பெற்ற நோயாளிகள் 5 மடங்கு அதிக அளவில் உயிர்வாழும் வாய்ப்பு பெற்றுள்ளார் என ஆய்வு தெரிவிக்கிறது.

இதற்கான காரணம், தடுப்பூசி உடல் நோயெதிர்ப்பு மண்டலத்தை அதிக வலுவாக செயல்படச் செய்து, புற்றுநோய் செல்களை எதிர்க்க உடலை “எச்சரிக்கை நிலையில்” வைத்திருக்கக்கூடும் என நிபுணர்கள் கூறுகின்றனர். எனினும் இது ஆரம்பகட்ட கண்டுபிடிப்பே, மருத்துவ பரிந்துரையாக மாற்ற மேலும் ஆய்வுகள் அவசியம் எனவும் வலியுறுத்தப்பட்டுள்ளது.

mRNA இல்லாத தடுப்பூசிகள் (இன்ஃப்ளூயன்ஸா, நிமோனியா) இதே நன்மையை அளிக்கவில்லை என்பதும் குறிப்பிடத்தக்கது. அதேசமயம், BCG, HPV போன்ற தடுப்பூசிகள் ஏற்கெனவே குறிப்பிட்ட புற்றுநோய்களுக்கான மருத்துவப் பயன்பாட்டில் உள்ளன.

முக்கியமாக "கோவிட் தடுப்பூசி புற்றுநோயை உருவாக்கும்" என்ற வதந்தியை மருத்துவர்கள் மீண்டும் மறுத்துள்ளனர். கோவிட் காலகட்டத்தில் புற்றுநோய் பரிசோதனை குறைந்ததால் தான் பின்னர் வழக்குகள் அதிகரித்ததாக அவர்கள் விளக்கினர்.

இந்த ஆய்வு, தடுப்பூசி கொடுக்கும் நேர்மறை சுகாதார விளைவுகளுக்கான புதிய வாயிலாக பார்க்கப்படுகிறது. கோவிட் தடுப்பூசி பெறுவதன் முதன்மை நோக்கம் தொற்றிலிருந்து பாதுகாப்புதான். ஆனால், அது கூடுதல் நன்மை தரும் வாய்ப்பும் இருக்கலாம் என்பதற்கு இந்த ஆய்வு புதிய நம்பிக்கையைத் திறந்துள்ளது. மருத்துவ உலகம் இதை வரவேற்று, அடுத்து நடைபெறும் மருத்துவ பரிசோதனைகளில் மேலும் தெளிவு கிடைக்கும் என எதிர்பார்க்கிறது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை

ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!