सध्या सर्वत्र मराठमोळी अभिनेत्री गिरीजा ओकची चर्चा रंगली आहे. एक्स अकाऊंट आणि इन्स्टाग्रामवर तिचे काही फोटो तुफान व्हायरल होत आहे. तसेच तिला न्यू नॅशनल क्रश असे ही बोलले जात आहे. गिरीजाने आजवर अनेक चित्रपट, मालिका, नाटक आणि वेब सीरिजमध्ये काम केले आहे. करिअरच्या सुरुवातीला तिने काही जाहिरांतीमध्ये देखील काम केले आहे. गिरीजाविषयी जाणून घेण्यासाठी सर्वजण आता उत्सुक आहेत. नुकताच दिलेल्या एका मुलाखतीमध्ये तिने एक भन्नाट किस्सा सांगितला आहे. तो ऐकून तुम्हालाही हसू अनावर होईल.

पुढे गिरीजा म्हणाली, सायली पुण्यात राहाते. पुण्यात दोन-तीन वेळा असे झाले की पाईपलाइच्या कामामुळे, एकदा जोरदार पावसामुळे वीजेचा खांब कोसळला होता. काही लोकांचा जीव गेला होता. त्यामुळे आमच्या संपूर्ण परिसरातील वीज कट केली होती. जवळपास दोन ते तीन दिवस लाईट नव्हती. पुण्यात गेल्या वर्षीच्या पावसाळ्यात हे घडले होते. त्याच वेळी पाणी नव्हते. पंपाने पाणीच वर चढत नव्हते. घरात पाणीच येत नव्हते. अशा परिस्थितीमध्ये मी तिला फोन केला आणि म्हटले मी तुझ्या घरी अंघोळीला येते.