துணை முதலமைச்சர் ஸ்டாலினிடம் ஓட்டுநராகப் பணிபுரிந்து வரும் பாலா என்பவரது தந்தை ரவி, இன்று (நவ. 14) திடீரென உடல்நலக் குறைவு காரணமாகச் சென்னை சேதுப்பட்டியில் உள்ள தனியார் மருத்துவமனையில் காலமானார்.

தனது ஓட்டுநரின் தந்தை மறைவுச் செய்தி அறிந்த துணை முதலமைச்சர் உதயநிதி ஸ்டாலின், உடனடியாக மருத்துவமனைக்கு நேரில் விரைந்து சென்றார். இந்த மரணச் சம்பவம், துணை முதலமைச்சரின் உதவியாளரான பாலா மற்றும் அவரது குடும்பத்தினரிடையே பெரும் சோகத்தை ஏற்படுத்தியுள்ளது.

மருத்துவமனைக்குச் சென்ற உதயநிதி ஸ்டாலின், காலமான ரவியின் உடலுக்கு மலர் வளையம் வைத்து மரியாதை செலுத்தினார். மேலும், துயரத்தில் ஆழ்ந்திருக்கும் ஓட்டுநர் பாலா மற்றும் குடும்ப உறுப்பினர்களைச் சந்தித்து, தனது ஆழ்ந்த இரங்கலைத் தெரிவித்ததுடன், அவர்களுக்குத் தேவையான ஆறுதலையும் வழங்கினார்.