இமாச்சல பிரதேசத்தின் லாஹவுல்-ஸ்பிதி மாவட்டத்தில் உள்ள கீலாங் அரசு மருத்துவமனையில், இரவு பணியில் இருந்த பெண் மருத்துவரிடம் சுற்றுலா பயணி ஒருவர் மிகவும் மோசமாக நடந்து கொண்ட வீடியோ இணையத்தில் பெரும் கொந்தளிப்பை ஏற்படுத்தியுள்ளது.

மது போதையில் இருந்ததாகக் கூறப்படும் அந்த நபர், அங்கிருந்த போலீஸ் அதிகாரிகள் முன்னிலையிலேயே அந்த பெண் மருத்துவரை ஒருமையில் பேசியும், அவரது தொழிலைக் கேவலப்படுத்தியும் மிரட்டல் விடுத்துள்ளார். தனது தாயுடன் போனில் பேசும் போது, “இவள் ஒரு சாதாரண பிசிஷியன் தான்” என கிண்டலாகப் பேசிய அந்த நபர், “உன் வாழ்க்கையை நரகமாக்கி விடுவேன்” என பகிரங்கமாக எச்சரித்துள்ளார்.