பாகிஸ்தானின் ஹன்சா பள்ளத்தாக்கு மக்கள், 100 ஆண்டுகளுக்கும் மேலாக ஆரோக்கியமாக வாழ்ந்து உலகையே வியப்பில் ஆழ்த்தி வருகின்றனர். சுமார் 2,438 மீட்டர் உயரத்தில் வசிக்கும் இவர்களுக்குப் புற்றுநோய் போன்ற கொடிய நோய்கள் ஏற்படுவது மிக அரிதாகவே உள்ளது. தூய்மையான காற்று, அன்றாட உடற்பயிற்சி மற்றும் முற்றிலும் இயற்கை சார்ந்த உணவு முறையே இவர்களின் நீண்ட ஆயுளுக்கு முக்கிய காரணமாகும். குறிப்பாக, இவர்கள் பழங்கள், காய்கறிகள் மற்றும் சிறுதானியங்களை மட்டுமே உணவாகக் கொள்கின்றனர்; இறைச்சியைப் குளிர்காலத்தில் மட்டுமே மிகக் குறைவாகப் பயன்படுத்துகின்றனர்.

இவர்களின் ஆரோக்கிய ரகசியத்தில் ‘ஹன்சா டீ’ எனப்படும் மூலிகை தேநீர் முக்கிய பங்கு வகிக்கிறது. துளசி, இஞ்சி, ஏலக்காய் மற்றும் வெல்லம் கொண்டு தயாரிக்கப்படும் இந்த பானம், நோய் எதிர்ப்பு சக்தியை அதிகரிப்பதோடு ரத்த அழுத்தத்தையும் சீராக வைக்க உதவுகிறது. கரடுமுரடான மலைப்பாதைகளில் நீண்ட தூரம் நடப்பதும், புகைப்பிடித்தல் மற்றும் உடல் பருமன் போன்ற பழக்கங்கள் இல்லாததும் இவர்களை என்றும் இளமையுடன் வைத்திருக்கின்றன. இவர்களின் எளிமையான வாழ்வியலைப் பின்பற்றுவதன் மூலம் எவரும் ஆரோக்கியமான நீண்ட வாழ்வைப் பெற முடியும் என்பது நிதர்சனம்.