பிரம்மாண்ட கூட்டணி அமைத்து வரும், திமுக கூட்டணியில் இருக்கின்ற முக்கிய கட்சிகள் குறித்து தெரிந்து கொள்வோம்.
தமிழகத்தில் தேர்தல் களம் சூடுபிடிக்கத் தொடங்கியுள்ள நிலையில், அரசியல் கட்சிகள் தங்களது கூட்டணி மற்றும் தொகுதிப் பங்கீட்டுப் பணிகளில் தீவிரமாக ஈடுபட்டு வருகின்றன. குறிப்பாக, ஆளும் கட்சியான திமுக தனது கூட்டணியைப் பலப்படுத்துவதில் முனைப்பு காட்டி வருகிறது. 2019-ஆம் ஆண்டு முதல் கூட்டணியில் இருக்கும் கட்சிகளைத் தக்கவைத்துக் கொள்வதோடு மட்டுமல்லாமல், புதிய கட்சிகளையும் இணைத்து ஒரு பிரம்மாண்ட கூட்டணியை திமுக உருவாக்கி வருகிறது.
திமுகவிற்கு ஆதரவளிக்கும் கட்சிகள் மற்றும் அமைப்புகளின் எண்ணிக்கை தொடர்ந்து அதிகரித்து வருகிறது. தற்போது திமுக கூட்டணியில் இடம்பெற்றுள்ள மற்றும் ஆதரவளிக்கக்கூடிய முக்கிய 22 கட்சிகளின் விவரங்கள் பின்வருமாறு:
* இந்திய தேசிய காங்கிரஸ்
*விடுதலை சிறுத்தைகள் கட்சி (VCK)
* தேமுதிக
* மதிமுக
*மார்க்சிஸ்ட் கம்யூனிஸ்ட் கட்சி (CPI-M)
* இந்திய கம்யூனிஸ்ட் கட்சி (CPI)
*மக்கள் நீதி மையம் (கமல்ஹாசன்)
* இந்திய யூனியன் முஸ்லிம் லீக் (IUML)
* மனிதநேய மக்கள் கட்சி
* மனிதநேய ஜனநாயக கட்சி
* எஸ்.டி.பி.ஐ (SDPI)
* தமிழக வாழ்வுரிமைக் கட்சி
* ஆம் ஆத்மி கட்சி
* கொங்குநாடு மக்கள் தேசிய கட்சி
* முக்குலத்தோர் புலிப்படை
* கொங்கு இளைஞர் பேரவை
* ஆதித்தமிழர் பேரவை
* தமிழ் புலிகள் கட்சி
* ஆதித்தமிழர் கட்சி
* சமத்துவ மக்கள் கழகம்
* மக்கள் விடுதலைக் கழகம்
* திராவிட வெற்றி கழகம்
இது தவிர இன்னும் பல சிறிய கட்சிகளும், சமூக அமைப்புகளும் திமுகவிற்குத் தங்களது ஆதரவை வழங்கி வருகின்றன.
திமுக கூட்டணியின் பிரதான அங்கமாக விளங்கும் காங்கிரஸ் கட்சியுடன் தொகுதிப் பங்கீடு வெற்றிகரமாக முடிக்கப்பட்டுள்ளது. அதன்படி, காங்கிரஸ் கட்சிக்கு 28 சட்டமன்றத் தொகுதிகள் மற்றும் ஒரு ராஜ்ய சபா (மாநிலங்களவை) இடம் ஒதுக்கீடு செய்யப்பட்டு ஒப்பந்தம் இறுதி செய்யப்பட்டுள்ளது.
பெரிய கட்சியான காங்கிரஸுடன் சுமூகமாக உடன்பாடு எட்டப்பட்டுள்ளதால், மற்ற தோழமைக் கட்சிகளுடனும் பேச்சுவார்த்தை விரைந்து முடியும் என திமுக தலைமை நம்புகிறது. இந்தத் தொகுதிப் பங்கீட்டுத் தெளிவு, திமுக தொண்டர்களிடையே புதிய உற்சாகத்தை ஏற்படுத்தியுள்ளது. வரும் தேர்தலை ஒரு பிரம்மாண்ட கூட்டணியுடன் சந்திக்க திமுக முழு வீச்சில் தயாராகி வருகிறது.
