விடுதலை சிறுத்தைகள் கட்சி நடத்தும் மது ஒழிப்பு மாநாட்டில் திமுக சார்பில் ஆர்.எஸ்.பாரதியும் டி.கே.எஸ் இளங்கோவனும் பங்கேற்பார்கள் என முதல்வர் மு.க.ஸ்டாலின் என்னிடம் உறுதி அளித்துள்ளார். மது ஒழிப்புதான் திமுகவின் கொள்கை என்றும் முதல்வர் மு.க.ஸ்டாலின் என்னிடம் தெரிவித்தார் என திருமாவளவன் கூறியுள்ளார்.
முதல்வர் மு.க.ஸ்டாலினை அண்ணா அறிவாலயத்தில் சந்தித்த பிறகு செய்தியாளர்கள் மத்தியில் பேசிய திருமாவளவன் இந்த கருத்தை தெரிவித்துள்ளார். மேலும் திமுகவுடனான கூட்டணியில் எந்த சிக்கலும் விரிசலும் இல்லை என்றும் அவர் திட்டவட்டமாக தெரிவித்துள்ளார்.
