Generation Z Job Opportunity : जनरेशन गॅपची चर्चा आपण गल्लीपासून दिल्लीपर्यंत ऐकतच असतो. सहसा जुन्या पिढीला नव्या पिढीशी जुळवून घेताना तारेवरची कसरत करावी लागते. विशेष करून कामाच्या ठिकाणी नवीन तंत्रज्ञान आत्मसात करण्यात जुण्या पिढीतील लोकं थोडी मागे पडताना आपण पाहतो. त्यामुळे कॉर्पोरेट कंपन्या देखील नव्या दमाच्या तरूण पिढीमध्ये जास्त गुंतवणूक करण्याचा विचार करत असतात. कंपन्यांच्या या धोरणामुळे जुन्या पिढीतील किंवा मध्यम वयातील लोकांच्या नोकरीवर गंडांतर येण्याची दाट शक्यता निर्माण होते. 

मात्र सध्याच्या घडीला कॉर्पोरेट कंपन्यांमध्ये उलटाच ट्रेंड सुरू झाला आहे. आता कंपन्या तंत्रज्ञान वापरात तरबेज मानल्या जाणाऱ्या Gen Z ना नोकरीवरून काढत आहे. १९९० ते २००० या दरम्यान जन्म झालेल्या लोकांना जनरेशन झेड शॉर्टकटमध्ये Gen Z असं म्हणतात. 

ही पिढी इंटरनेटसोबत मोठी होणारी पहिली पिढी आहे. या पिढीतील तरूण हे उत्साहाने भरलेले आहेत. मात्र तरी देखील कॉर्पोरेट कंपन्या या जेन झींना नोकरी देण्यास कचवचत आहेत. 

नव्या सर्वेक्षणानुसार बड्या कॉर्पोरेट कंपन्यांचा जेन झींना नोकरीवरून कमी करणे किंवा त्यांना नोकरी न देण्याकडे कल आहे. नुकतेच पासआऊट झालेल्या या पिढीची काम करण्याची पद्धत, संवादाची पद्धत आणि कामाप्रती त्यांची बेफिकीरपणा कंपन्यांना आवडत नाहीये. 

इंटेलिजंट डॉट कॉमने केलेल्या सर्वेक्षणानुसार १० पैकी ६ रिक्रूटर्सनी सांगितले की त्यांनी कॉलेजमधून नुकतेच पासआऊट झालेल्या लोकांना या वर्षी नोकरीवरून काढून टाकले आहे. सात पैकी एका रिक्रूटरने सांगितले की पुढच्या वर्षी ते नव्या पासआऊट मुलांना नोकरीवर ठेवण्याचा विचार करणार नाहीयेत. 

इंटेलिजंट डॉट कॉमच्या सर्वेक्षणात जवळपास १००० कंपन्यांच्या प्रतिनिधींनी भाग घेतला होता. या सर्वेक्षणाचा रिपोर्ट न्यूजवीकमध्ये छापण्यात आला आहे. 

या रिपोर्टमध्ये इंटेलिजंट डॉट कॉमचे शिक्षण आणि करियर विकास मुख्य सल्लागार ह्यू गुयेन यांनी सांगितले की, 'नुकतेच पासआऊट झालेले तरूण लोकं पहिल्यांदा ऑफिसमध्ये काम करताना त्यांना तेथील वातावरणाशी जुळवून घेताना अडचणी येऊ शकते. कॉलेज लाईफ आणि कामाचं ठिकाण इथलं वातावरण खूप वेगळं असतं. 

जेन झी हे कामाच्या ठिकाणी असलेल्या वातावरणाशी, तेथील कल्चरशी जुळवून घेण्यास तयार नसतात. ते जबाबदारी घेण्यासही तयार नसतात असं काही कंपन्यांच्या मालकांनी सांगितले. 

हेही वाचा : Coldplay Deepika Padukone : Coldplay च्या लीड सिंगरसोबत दीपिकाने केली होती 'मन्नत'वर पार्टी

गुयेन यांच्या मते नव्या मुलांकडे कॉलेजकडून मिळालेलं थोडं थेरॉटिकल नॉलेज मिळतं. मात्र या लोकांकडे व्यावहारिक समज कमी असते. त्यांना वास्तविक जगाचा अनुभव आणि वर्क कल्चरशी जुळवून घेण्याचे कौशल्य कमी असते. 

आधीच्या पिढीच्या तुलनेत जेन झींचा कामावर फोकस कमी असतो असे अभ्यासात दिसून आलं आहे. ते काम गांभिऱ्याने घेत नाहीत. डिजीटल दुनियेत मोठे झाल्याचे हे दुष्परिणाम आहेत. 

 युवा कर्मचारी सोशल मीडियावरील कॅम्पेनवरून जास्तच प्रभावित होतात. यामुळे त्यांचे काम प्रभावित होते. ही कंपन्यांसाठी डोकेदुखी ठरत आहे. 

या सर्वेक्षणात जवळाप ७५ टक्के कंपन्यांनी कॉलेजमधून नुकतेच पासआऊट झालेल्या उमेदवारांचे काम समाधानकारक नसल्याचे सांगितले. याचबरोबर सर्वेतील निम्यापेक्षा जास्त कंपन्यांनी जेन झी लोकांमध्ये प्रेरणेची कमतरता सर्वाधिक असल्याचे सांगितले. तर ३९ टक्के कंपन्यांनी जेन झीमध्ये संवाद कौशल्याची कमतरता असल्याचं सांगितलं. ४३ टक्के कंपन्यांनी जेन झी हे प्रोफेशनल नसतात असं सांगितलं. 

हेही वाचा : IIFA Awards 2024 : यंदाच्या IIFA Awards वर असणार 'साऊथ'ची

एचआर सल्लागार ब्रायन ड्रिस्कॉल यांनी न्यूजवीकला सांगितलं की सध्याचं शिक्षण हे व्यवहार ज्ञानापेक्षा सैद्धांतिक ज्ञानावर भर देते. पुराणातील कथा शिकणं आकर्षक आहे. मात्र तुमचं शिक्षण सुरू आहे तोपर्यंत ते ठिक आहे. कॉर्पोरेट मिटिंगमध्ये प्रभावीपणे संवाद साधता येणं किंवा व्यावसायिकपणे प्रेझेंटशन करण खूप गरजेचं असतं. जेन झी यामध्येच कमी पडते आहे.