How To Identify Chinese Garlic: बहुतांश भारतीय स्वयंपाकघरात जेवण बनविण्यासाठी लसणाचा वापर केला जातो. पदार्थांमध्ये चव आणि विशिष्ट सुगंध येण्यासाठी लसूण वापरले जाते. पण तुम्हाला हे माहीत आहे का? की बाजारात चीनी जातीचे हानिकारक लसूण सर्रासपणे विकले जात आहेत .भारतात या लसणाला बंदी घालण्यात आली आहे. (Chinese Garlic Banned in India) असे असले तरी ते खुलेआम विकले जात आहेत, ज्याची कल्पना सामान्य लोकांना नाही. तज्ञांच्या मते, हे चिनी लसूण क्लोरीन आणि मिथाइल ब्रोमाइड सारख्या कीटकनाशकांनी भरलेले आहे, हे दोन्ही रसायने आरोग्यासाठी अत्यंत धोकादायक आहेत. यामुळे कर्करोग आणि मूत्रपिंड संबंधित जीवघेणे रोग होण्याची दाट शक्यता आहे. त्यामुळे तुम्ही वापरत असलेला लसूण कोणत्या जातीचा आहे हे तुम्हाला माहीत आहे का? चला जाणून घेऊया. (Know difference between Indian garlic and Chinese garlic_

पदार्थामध्ये चव वाढवण्याव्यतिरिक्त, लसणाचे विविध आरोग्य फायदे देखील आहेत. लसणापासून मिळणाऱ्या फायद्यांमध्ये जीवाणू, बुरशी आणि परजीवी प्रतिबंधित करणे आणि नष्ट करणे, रक्तदाब, कोलेस्ट्रॉल आणि साखरेची पातळी कमी करणे आणि रक्त गोठण्यास प्रतिबंध करणे आणि यकृताचे संरक्षण करणे यांचा समावेश होतो. तज्ञांच्या मते, लसणात कर्करोगविरोधी प्रभाव देखील आढळतो आणि रोगप्रतिकारक शक्ती सुधारण्यास, हंगामी आजार टाळण्यास आणि चांगले आरोग्य राखण्यास लसूण मदत करते, आणि त्यामुळे नियमित आहारात लसूण खाणे फायदेशीर आहे. असे असले तरी तुम्ही कोणत्या प्रकारचा लसूण खात आहात ते जाणून घेणे देखील गरजेचे आहे.


भारतीय बाजारपेठेत चीनी लसणावर बंदी
2014 पासून चिनी लसणावर बंदी असूनही, भारतीय बाजारपेठेत ते खुलेआम विकले जात आहे आणि त्याला जास्त मागणी देखील आहे. स्थानिक स्वयंपाकघरांमध्ये, हे लसूण सर्रास वापरले जात आहेत. हा लसूण त्याच्या विशिष्ट चवीमुळे आणि वासामुळे विविध पाककृतींसाठी प्रसिद्ध आहे. पण या लसणाच्या अतिसेवनामुळे शरीरावर त्याचे काय परिणाम होतात ते जाणून घेतले तर तुम्हाला धक्काच बसेल.

चीनी लसूण आरोग्यासाठी हानिकारक का आहे?
तज्ज्ञांच्या मते, कीटकनाशके आणि रसायनांच्या प्रचंड वापरामुळे, चायनीज लसूण खाल्ल्याने अनेक संभाव्य समस्या उद्भवतात. यामुळे अल्सर, इन्फेक्शन आणि गॅस्ट्रिक समस्यांसारख्या विविध पचन समस्या आणि दीर्घकाळापर्यंत तुमच्या मूत्रपिंडावर त्याचा हानिकारक परिणाम होऊ शकतो, जो काही प्रकरणात जीवघेणा देखील ठरतो.

तज्ज्ञांचे म्हणणे आहे की, लसूण दीर्घकाळ चांगला राहावा यासाठी आणि त्याला अंकुर फुटू नये म्हणून त्यावर रसायनांची फवारणी केली जाते. लसणावर नैसर्गिकरित्या काळे डाग असतात त्यामुळे अनेकजण ते विकत घेत नाहीत. म्हणून, त्याचे स्वरूप स्वच्छ करण्यासाठी आणि ते अधिक आकर्षक दिसण्यासाठी, चिनी लसूण क्लोरीनने ब्लीच केले जाते. क्लोरीनच्या संपर्कात येण्यामुळे विविध धोकादायक आरोग्य समस्या उद्भवू शकतात, जसे की श्वसनमार्गात जळजळ, घरघर, श्वास लागणे आणि गंभीर खोकला येऊ शकतो. क्लोरीनच्या उच्च प्रमाणामुळे श्वसनाचा त्रास, फुफ्फुसासंबंधित समस्या निर्माण होऊ शकतात.

चीनमधील कायद्यांनुसार, शेतकऱ्यांनी पिकांचे किटकांपासून संरक्षण करण्यासाठी मिथाइल ब्रोमाइड असलेल्या कीटकनाशकांची फवारणी करणे बंधनकारक आहे. त्यामुळे मिथाइल ब्रोमाइड कीटकनाशकयुक्त पदार्थांचे सेवन तुमच्या मूत्रपिंडाला हानी पोहोचवू शकते आणि तुमच्या यकृतावर परिणाम करू शकते. तसेच,याच्या अतिसेवनामुळे मेंदू आणि मज्जासंस्थेचे नुकसान देखील होऊ शकते. ज्यात खराब दृष्टी, स्मृतिभ्रंश, अंग थरथरणे, अंगदुखी, हात आणि पाय सुन्न होणे, बोलण्यात अडचण यांसारख्या समस्यांचा समावेश आहे. .

भारतीय लसूण आणि चीनी लसूण यामधील फरक कसा ओळखावा?
हानीकारक चायनीज लसूण आणि भारतीय लसूण यांच्यातील फरक जाणून घेणे महत्त्वाचे आहे, जेणेकरून तुम्ही रासायनिक लसूण खरेदी न करून तुमच्या कुटुंबाचे आरोग्य सुरक्षित ठेवू शकता.

शारीरिक स्वरूप
चिनी लसूण नेहमी आकाराने लहान असतो आणि चमकदार पांढरा किंवा गुलाबी रंगाचा असतो. दुसरीकडे, भारतीय लसूण, आकाराने मोठा आहे आणि त्याची साले पांढऱ्या ते गुलाबी ते अगदी हलक्या तपकिरी रंगाची असतात.

चव आणि सुगंध
भारतीय लसणाचा गंध तिखट आणि चव तीव्र असते, तर दुसरीकडे, चिनी लसणाचा सुगंध आणि चव मंद स्वरूपाचे असते.

सोलणे सोपे
चायनीज लसूण सोलणे सोपे असल्याने अधिक लोक ते खरेदी करण्यास प्राधान्य देतात. तर स्थानिक लसणात बारीक, लहान पाकळ्या असतात ज्या सोलणे थोडे कठीण असते.