நடிகர் தனுஷைக் கடுமையாக விமர்சித்து, குற்றம்சாட்டியிருக்கும் நயன்தாரா வெளியிட்டிருக்கும் கடிதம் கோலிவுட்டில் பெரும் சர்ச்சையைக் கிளப்பிவிட்டிருக்கிறது.

இதுகுறித்து மூன்று பக்க கடிதத்தை ஆதங்கத்துடன் வெளியிட்டுள்ள நயன்தாரா,

நெட்பிளக்ஸ் ஓடிடி தளத்தில் நயன்தாராவின் வாழ்க்கை, திருமணம் பற்றிய 'Nayanthara: Beyond the Fairytale' என்ற ஆவணப்படம் வெளியாகவிருக்கிறது. இதில் தனுஷின் 'wunderbar films' தயாரிப்பு நிறுவனத்தின் விக்னேஷ் சிவன் இயக்கி நயன்தாரா நடித்திருக்கும் 'நானும் ரவுடிதான்' திரைப்படத்தின் சில காட்சிகளும் இடம்பெற்றிருந்தன. இந்தக் காட்சிகளைப் பயன்படுத்த தனுஷிடன் 'NOC' கேட்டும், அவர் தரவில்லை என்றும் 3 நொடிகள் கொண்ட காட்சியைப் பயன்படுத்தியதற்கு தனுஷ் தரப்பில் ரூ.10கோடி கேட்டது அநியாயமானது என்றும் நயன்தார ஆதங்கத்துடன் குற்றம் சாட்டியுள்ளார். அந்தக் காட்சியும் படப்பிடிப்புத் தளத்தில் (BTS) எடுக்கப்பட்டது. அதற்கு ரூ.10 கோடி என்பதுதான் நயன்தாராவிற்கு மிகுந்த கோபத்தை ஏற்படுத்தியிருக்கிறது. பாடல்வரிகளைக் கூட பயன்படுத்தக் கூட அனுமதி வழங்கவில்லை என்று ஆதங்கப்பட்டுள்ளார் நயன்தாரா.

மேலும், தனுஷ் 'நானும் ரவுடிதான்' படத்தின் வெற்றியைப் பார்த்துப் பொறாமைப்பட்டு பல விஷயங்களைச் செய்ததாகவும், தனுஷ் தனது ரசிகர்கள் முன்பு நல்லவர்போல நடிப்பதாகவும், நயன்தாரா பகிரங்க விமர்சனத்தை வைத்துள்ளார்.

தனுஷ் குறித்து நயன்தாரா வெளியிட்டுள்ள கடிதத்தை தனது இன்ஸ்டாகிராம் ஸ்டோரியில் பகிர்ந்துள்ள விக்னேஷ் சிவன், சர்ச்சைக்குள்ளான அந்தக் காட்சியையும் பகிர்ந்து, "இந்த சிறிய காட்சிக்குத்தான் ரூ.10கோடி கேட்டார்கள். அதை இங்கே இலவசமாகவே பகிர்கிறேன் நீங்களே பாருங்கள். அன்பைப் பரப்புங்க சார்" என்று தனுஷை மறைமுகமாகச் சாடியுள்ளார்.

மேலும், தனது இன்ஸ்டாகிராம் பக்கத்தில் 'வாழு வாழ விடு' என்று தனுஷ் பேசிய காணொலியைப் பகிர்ந்து, தனுஷ் மீதான குற்றச்சாட்டையும் டேக் செய்து பதிலடி கொடுத்திருக்கிறார் விக்னேஷ் சிவன். இந்த விவகாரம் கோலிவுட்டில் சர்ச்சை ஏற்படுத்தி பேசுபொருளாகி வருகிறது.

சினிமா விகடனின் பிரத்யேக Whatsapp க்ரூப்

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...