Stock Market Opening Today: भारतीय शेअर बाजाराची सुरुवात तेजीसह झाली आहे. सेन्सेक्स 220 अंकांनी वधारत होता. निफ्टीही जवळपास 60 अंकांनी वाढला. बँक निफ्टीतही 200 अंकांची वाढ झाली. मिडकॅप निर्देशांकात किंचित वाढ झाली. पण एनबीएफसी शेअर्समध्ये सर्वाधिक वाढ दिसून आली.
बँका आणि NBFC ला RBI कडून मोठा दिलासा मिळाला आहे, या बातमीमुळे या शेअर्समध्ये वाढ झाली आहे. NBFCs ला दिलेल्या बँक कर्जातून 25 टक्के रिस्क वेटेज काढून टाकले आहे. हे नवे नियम 1 एप्रिलपासून लागू होणार आहेत.
Stock Market Opening
सेन्सेक्समधील 30 शेअर्सपैकी 17 कंपन्यांचे शेअर्स वाढीसह हिरव्या रंगात व्यवहार करत होते, तर उर्वरित 12 कंपन्यांचे शेअर्स घसरणीसह लाल रंगात व्यवहार करत होते आणि एका कंपनीचा शेअर कोणताही बदल न करता व्यवहार करत होता.
Stock Market Opening
आज निफ्टी 50 च्या 50 शेअर्सपैकी 28 कंपन्यांचे शेअर्स तेजीसह हिरव्या रंगात उघडले आणि 17 कंपन्यांचे शेअर्स घसरणीसह लाल रंगात उघडले तर 5 कंपन्यांचे शेअर्स कोणताही बदल न करता उघडले. सेन्सेक्स कंपन्यांमध्ये बजाज फायनान्सचे शेअर्स सर्वाधिक 1.94 टक्क्यांच्या वाढीसह व्यवहार करत होते आणि अल्ट्राटेक सिमेंटचे शेअर्स सर्वाधिक 4.71 टक्क्यांच्या घसरणीसह उघडले होते.
BSE SENSEX जागतिक संकेत कसे आहेत?
आज देशांतर्गत जागतिक संकेत कमकुवत दिसत आहेत. आजच्या व्यवहारात प्रमुख आशियाई बाजारांमध्ये विक्री दिसून येत आहे. याआधी बुधवारी अमेरिकन बाजारांवर दबाव दिसून आला. बुधवारी डाऊ जोन्स इंडस्ट्रियल 188 अंकांनी घसरला आणि तो 43,433.12 च्या पातळीवर बंद झाला. NASDAQ कंपोझिट 49 अंकांनी वाढून 19,075.26 च्या पातळीवर बंद झाला. तर S&P 500 निर्देशांक 1 अंकाच्या किंचित वाढीसह 5,956.06 च्या पातळीवर बंद झाला.
NSE वर उपलब्ध असलेल्या आकडेवारीनुसार, 25 फेब्रुवारी 2025 रोजी परदेशी पोर्टफोलिओ म्हणजे FII हे निव्वळ विक्रेते होते आणि त्यांनी 3,529.10 कोटी रुपयांचे शेअर्स विकले. त्याच वेळी, या कालावधीत देशांतर्गत संस्थात्मक गुंतवणूकदार देखील निव्वळ खरेदीदार होते आणि त्यांनी 24 फेब्रुवारी 2025 रोजी 3,030.78 कोटी रुपयांचे शेअर्स खरेदी केले होते.
आशियाई बाजारात विक्रीआजच्या व्यवहारात प्रमुख आशियाई बाजारांमध्ये विक्री दिसून येत आहे. GIFT NIFTY 0.14 टक्क्यांनी आणि Nikkei 225 0.15 टक्क्यांनी वर आहे. स्ट्रेट्स टाइम्समध्ये सपाट व्यापार सुरू असताना, हँग सेंग सुमारे 0.73 टक्क्यांनी घसरला आहे. तैवान वेटेडमध्ये 0.75 टक्के घसरण झाली आहे, तर कोस्पीमध्ये सुमारे 0.83 टक्के घसरण झाली आहे. त्याच वेळी, शांघाय कंपोझिटमध्ये 0.43 टक्क्यांची घसरण झाली आहे.
