सांगली : कायदेशीर परवान्याशिवाय भारतात घुसखोरी करत सांगलीत वावरणाऱ्या एका बांगलादेशी नागरिकाला सांगली शहर पोलिसांनी अटक केली. आमीर शेख या नावाने बानावट कागदपत्रे तयार केली असून त्याचे मूळ नाव आमीर हुसेन असे आहे.

कोल्हापूर : ‘छत्रपती शिवाजी महाराज विद्यापीठ’ असा नामविस्तार करण्यात यावा, अशा मागणीसाठी हिंदू जनजागृती समिती आणि हिंदू राष्ट्र समन्वय समितीतर्फे आज, सोमवारी दुपारी तीन वाजता जिल्हाधिकारी कार्यालयावर मोर्चा काढण्यात येणार आहे. दसरा चौकातून या मोर्चाची सुरुवात होणार आहे.

कोल्हापूर : इतिहास संशोधक इंद्रजित सावंत यांना धमकावल्याप्रकरणी गुन्हा दाखल झालेल्या प्रशांत कोरटकर याने जिल्हा व सत्र न्यायालयातून मिळवलेल्या अंतरिम जामिनावर सोमवारी सुनावणी होणार आहे. कोरटकरविरोधात जुना राजवाडा पोलिस ठाण्यात गुन्हा दाखल आहे. कोरटकरला न्यायालयात हजर करावे, अशी पोलिसांची मागणी यापूर्वीच न्यायाधीश डी. व्ही. कश्यप यांनी फेटाळली आहे. सोमवारी कोरटकरच्या अंतरिम जामिनाबाबत सरकारी पक्ष व बचाव पक्षाकडून युक्तिवाद होणार आहे.

Latest Marathi Live Updates 17 March 2025 : बलुचिस्तान प्रांतातील नोश्की जिल्ह्यात राष्ट्रीय महामार्गावर पाकिस्तानी सैनिक व अधिकाऱ्यांना घेऊन जाणाऱ्या बसवर एक मोटार वेगाने धडकवून केलेल्या हल्ल्यात ९० सैनिकांचा मृत्यू झाल्याचा दावा स्थानिक माध्यमांनी केला आहे. तसेच गेल्या दोन वर्षांपासून सोन्याच्या दरात सातत्याने मोठी वाढ होत असून, आता चांदीनेदेखील सुवर्णभरारी घेतली आहे. चांदीने प्रतिकिलो एक लाख रुपयांचा टप्पा पार केला आहे. महाराष्ट्रातील विधान परिषद पोटनिवडणुकीसाठी भारतीय जनता पक्षाने तीन उमेदवारांच्या नावाची घोषणा केली. परिषदेच्या पाच रिक्त जागांसाठी २७ मार्चला निवडणूक होणार आहे. भाजपने संदीप दिवाकरराव जोशी, संजय किशनराव केनेकर आणि दादाराव यादवराव केचे यांना उमेदवारी दिली आहे. इतिहास संशोधक इंद्रजित सावंत यांना धमकावल्याप्रकरणी गुन्हा दाखल झालेल्या प्रशांत कोरटकर याने जिल्हा व सत्र न्यायालयातून मिळवलेल्या अंतरिम जामिनावर सोमवारी सुनावणी होणार आहे. त्याचबरोबर राज्यातील वातावरणात आता बदल पहायला मिळत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..