இன்றைய டிஜிட்டல் உலகிலும் ஒரு சில பொருட்களுக்கு மவுசு குறைவதே இல்லை என்பதை மாம்பழம் வாங்க கூட்டம் குவிவதிலேயே உணரலாம். ஆனால், ஆசைப்பட்டு வாங்கக்கூடிய மாம்பழங்கள் ஆபத்தையும் அள்ளித்தருகிறது. வியாபாரப் போட்டி காரணமாக மாம்பழங்கள் இயற்கையாக பழுக்கும் வரை காத்திருக்க போதிய அவகாசம் இல்லாததால், செயற்கை முறையில் கார்பைடு கற்களை பயன்படுத்தி பழுக்க வைக்கப்படுகிறது.

இதனால், வாந்தி, பேதி, மயக்கம், ஹைப்போ தைராய்டு, புற்றுநோய், நீரிழிவு மற்றும் கருப்பை பிரச்னை உட்பட பல்வேறு பாதிப்புகளையும் சந்திக்க வேண்டியுள்ளது. கர்ப்பிணிகளுக்கு செரிமான பிரச்னை, குழந்தை பிறப்பில் சிரமம் போன்றவை உண்டாகிறது. தாய்ப்பால் கொடுக்கும் பெண்கள் இதுபோன்ற மாம்பழங்களை தவிர்ப்பது சிறந்தது. எனவே, இயற்கையாக பழுத்த மாம்பழங்களை எப்படி கண்டுபிடிப்பது என பார்க்கலாம்...

பொதுவாக இயற்கையாக பழுத்த மாம்பழங்களில் வாசனை தூக்கலாகவே இருக்கும். ஒரே பழத்திலேயே ஆங்காங்கே மஞ்சள், பச்சை, சிவப்பு, கோல்டன் போன்ற பல நிறங்களின் ஷேடுகள் கலந்திருக்கும். இயற்கையாகப் பழுக்கும் மாம்பழங்கள் பெரியதாக வளர வளர, பழுக்கும்போதும் அதன் பளபளப்புத் தன்மை குறைந்துவிடும்; வெளிப்புறத்தில் அடிப்பட்ட, அழுகியது போன்ற தோற்றம் காணப்படும். ஆனால் பழத்தின் சதைப்பகுதி நன்கு கெட்டியாக, சுவை நிறைந்ததாக இருக்கும். மாம்பழத்தை நறுக்கும்போது அதிலிருந்து சாறு வழியும். எத்தலின் என்ற ஒருவித ரசாயனம்தான் அந்த சாறை உருவாக்கும்.

ஆனால், செயற்கையாக பழுக்க வைக்கப்பட்டிருந்தால் மனம் குறைவாகவே இருக்கும் அல்லது வேறு ஏதாவது வாசனை இருக்கக்கூடும். பழம் முழுக்க ஒரே மாதிரி மஞ்சள் அல்லது பச்சை நிறத்தில் இருக்கும். மாம்பழங்கள் அதிக பளபளப்புடன் இருக்கும்; கெட்டியாக இல்லாமல் மிருதுவாக இருக்கும்; சுவையும் குறைவாகவே இருக்கக்கூடும். குறைந்தளவிலேயே சாறு வரும்; சிலநேரங்களில் சாறு வரவே வராது. குறிப்பிட்ட சீசனைத் தாண்டி மற்ற சீசன்களிலும் மாம்பழங்கள் பளபளப்புடன் கிடைத்தால் அது நிச்சயம் செயற்கையாக கார்பைடு கற்களால் பழுக்க வைக்கப்பட்டிருக்கலாம்.

இயற்கையாக பழுத்த மாங்காயின் காம்பின் அருகே நல்ல இனிமையான, நறுமணமான பழ வாசம் வீசும். இந்த வாசனையே அதன் பழுத்த நிலையை நமக்கு உணர்த்தும்.மாங்காயை மெதுவாக அழுத்தினால் சற்று மிருதுவாக இருக்க வேண்டும். கல் போன்று கடினமாக இருந்தால் அது பழுக்கவில்லை என்று அர்த்தம். அதே சமயம், மிகவும் மென்மையாக அல்லது களிமண் போல இருந்தால் அது அதிகமாக பழுத்துவிட்டது.இயற்கையாக பழுத்த மாங்காயை வெட்டும்போது, அதன் சதைப்பகுதி நல்ல மஞ்சள் அல்லது ஆரஞ்சு நிறத்தில் இருக்கும். சுவையும் இனிப்பாக இருக்கும்.

இரசாயனம் மூலம் பழுத்த மாங்காய் வெளிப்புறத்தில் மிருதுவாகத் தோன்றினாலும், உட்புறம் கெட்டியாக இருக்கும்.இரசாயனம் மூலம் பழுத்த மாங்காயின் சதைப்பகுதி வெளிர் மஞ்சள் நிறத்தில் இருக்கும். மேலும், சுவையும் இயற்கையான இனிப்பு இல்லாமல், ஒருவித செயற்கைத் தன்மையுடன் இருக்கும்.இரசாயனம் மூலம் பழுத்த மாங்காயின் தோல் பளபளப்பாகவும், ஒரே மாதிரியான மஞ்சள் நிறத்திலும் இருக்கும். சில சமயங்களில் காம்பின் அருகே அல்லது தோலின் மற்ற பகுதிகளில் பச்சை நிறப் புள்ளிகள் அப்படியே இருக்கும்.இரசாயனம் மூலம் பழுத்த மாங்காயில் நறுமணமான பழ வாசனையை உணர முடியாது.

அப்படியும் சந்தேகம் இருந்தால் கடையில் வாங்கிய ஒரு டஜன் அல்போன்சா மாம்பழங்களை ஒரு பக்கெட் தண்ணீரில் போடுங்கள். அவை மூழ்கினால் இயற்கையாகவே பழுத்த பழம். இதற்கு மாறாக தண்ணீரில் அந்த அல்போசா மாம்பழங்கள் மிதந்தால் அவை செயற்கையாக பழுக்க வைக்கப்பட்டிருப்பதாக பொருளாகும்.

தவிர்க்க வேண்டியவை:

அதிக பளபளப்பான மற்றும் ஒரே மாதிரியான நிறத்தில் இருக்கும் மாங்காய்களைத் தவிர்க்கவும். வாசனை இல்லாத மாங்காய்களை வாங்க வேண்டாம்.

வெட்டும்போது வெள்ளை நிறப் பொடி அல்லது STRANGEயான நிறமாற்றம் இருந்தால் அந்த மாங்காயை உண்ண வேண்டாம்.

நாம் என்ன செய்ய வேண்டும்?

நம்பகமான மற்றும் நன்கு அறியப்பட்ட கடைகளில் மட்டுமே பழங்களை வாங்கவும்.

பழங்களின் தோற்றம், வாசனை மற்றும் தொட்டு உணர்தல் ஆகியவற்றில் கவனம் செலுத்துங்கள்.

சந்தேகம் இருந்தால், பழங்களை வெட்டி உட்புறத்தையும் கவனமாகப் பாருங்கள்.

உணவுப் பாதுகாப்பு மற்றும் தர நிர்ணய ஆணையம் (Food Safety and Standards Authority of India - FSSAI) போன்ற அமைப்புகளின் வழிகாட்டுதல்களைப் பின்பற்றுங்கள்.

சமூக ஊடகங்கள் அல்லது பிற ஆதாரங்களில் இருந்து வரும் ஆதாரமற்ற தகவல்களை நம்ப வேண்டாம்.

விவசாயிகள் சந்தைகளில் நேரடியாக விற்பனை செய்யும் பழங்களுக்கு முன்னுரிமை கொடுங்கள்.