HDFC வங்கி தற்காலிக பராமரிப்பு பணிகள் காரணமாக, ஜூன் 8, 2025 அன்று சில முக்கிய வங்கிச் சேவைகள் கிடைக்காமல் இருக்கலாம் என வாடிக்கையாளர்களுக்கு முன்னதாகவே அறிவிப்பு வெளியிட்டுள்ளது. வங்கியின் தொழில்நுட்ப மேம்பாடு மற்றும் பராமரிப்பு பணிகளுக்காகவே இந்த சேவை முடக்கம் செய்யப்படுவதாக வங்கி தரப்பில் தெரிவித்துள்ளது.



மேலும் வாடிக்கையாளர்களுக்கு சிறப்பான சேவையை வழங்கும் நோக்கில் இந்த பராமரிப்பு பணிகள் மேற்கொள்ளப்படுவதாகவும் வங்கி கூறியுள்ளது.



HDFC வங்கி சேவைகள் கிடைக்காத நேரம் & நாள் விவரங்கள்!

ஜூன் 8, 2025 அன்று அதிகாலை 2:30 மணியிலிருந்து காலை 6:00 மணிவரை எச்டிஎஃப்சி வங்கியின் சேவைகள் கிடைக்காது. சுமார் நான்கு மணிநேரம் இந்த சேவைகள் பாதிக்கப்படும். பராமரிப்பு காலத்தின் போது HDFC வங்கிக் கணக்குகளுடன் இணைக்கப்பட்ட UPI சேவைகள் கிடைக்காது. அதாவது எச்டிஎஃப்சி வங்கி வாடிக்கையாளர்கள் இந்த நாள் மற்றும் நேரத்தில் யூபிஐ மூலம் பணம் அனுப்புவது, பணம் செலுத்துவது போன்ற சேவைகள் கிடைக்காது.



வங்கி பராமரிப்பு பணியாம் பாதிக்கப்படும் சேவைகள்!



1. இன்டர்நெட் பாங்கிங் (Net Banking) கிடைக்காது



2. மொபைல் பாங்கிங் ஆப்



3. UPI பணப் பரிவர்த்தனை



4. Debit card மூலம் ஆன்லைன் பேமென்ட்



5. சில ATM சேவைகள்



இதில் நெட் பேங்கிங் மற்றும் மொபைல் பேங்கிங் செயலிக்கான அணுகல், கணக்கு தொடர்பான விவரங்கள் மற்றும் வைப்புத்தொகைகளைப் பார்ப்பது அல்லது நிர்வகிப்பது ஆகியவை அடங்கும். கூடுதலாக, UPI, IMPS, NEFT மற்றும் RTGS போன்ற நிதி பரிமாற்ற சேவைகள் பாதிக்கப்படும். HDFC வங்கிக் கணக்குகளுடன் இணைக்கப்பட்ட வணிகர் கொடுப்பனவுகள் மற்றும் உடனடி கணக்கு திறக்கும் செயல்முறையும் இந்த நேரத்தில் கிடைக்காது.



ஆனால் வங்கி வாடிக்கையாளர்கள் இந்த நேரத்தில் உங்கள் அனைத்து பரிவர்த்தனைகளுக்கும் அதன் PayZapp வாலட்டைப் பயன்படுத்த வங்கி பரிந்துரைத்துள்ளது. அவசர பணப் பரிவர்த்தனைகள் இருந்தால், முன்னதாகவே முடித்துக்கொள்ளுங்கள்.பராமரிப்பு பணிகளுக்குபின் சேவைகள் வழக்கம்போல கிடைக்கும்.



PayZapp என்றால் என்ன?



HDFC வங்கியின் PayZapp என்பது ஒரு ஆன்லைன் கட்டண செயலியாகும், இது டிஜிட்டல் வாலட் மற்றும் மெய்நிகர் அட்டையாகவும் செயல்படுகிறது. உங்கள் வங்கிக் கணக்கு அல்லது அட்டைகளைப் பயன்படுத்தாமல், பில்களை செலுத்துதல், பணம் அனுப்புதல், ஆன்லைனில் ஷாப்பிங் செய்தல் போன்ற ஆன்லைன் மற்றும் ஆஃப்லைன் சேவைகளுக்கு பணம் செலுத்த PayZapp ஐப் பயன்படுத்தலாம்.



ஆனால் PayZapp பரிவர்த்தனை வரம்புகள் உள்ளன. அதில் KYC அல்லாத கணக்குகளுக்கு மாதத்திற்கு ரூ.10,000 ஆகவும், KYC-இணக்கப்பட்ட வாடிக்கையாளர்களுக்கு மாதத்திற்கு ரூ.200,00 ஆகவும் பரிவர்த்தணை வரம்புகள் உள்ளது.