तरुण दिसायला कोणाला आवडत नाही. वय न वाढणं कोणाच्या हातात नाही. पण, आपण आजूबाजूला अशी अनेकजण पाहतो ज्यांचे वय वाढलेलं दिसून येत नाही. दिवसेंदिवस या व्यक्ती वयस्कर दिसण्याऐवजी अधिक तरूण दिसू लागतात. हे कसं घडतं? याचा कधी विचार केला आहात का? हे घडतं ते संतुलित आहार, व्यायाम आणि निरोगी जीवनशैली यामुळे. या सर्व गोष्टी तुम्हाला तरूण दिसण्यासाठी मदत करतात. याशिवाय आज आम्ही तुम्हाला अशी काही फळे सांगणार आहोत, ज्यांचा आहारात समावेश केल्याने दीर्घकाळ तरुण दिसण्यासाठी मदत होते. जाणून घेऊयात ही फळे

आंबा –

आंबा खाल्ल्यानेही तरूण दिसण्यास मदत होते. आंब्यातील व्हिटॅमिन सी, ऍटीऑक्सिडंट्स त्वचेला निरोगी ठेवतात.

ब्लूबेरी –

ब्लूबेरी व्हिटॅमिन सी, ऍटी-ऑक्सिंडट्सने समृद्ध फळ आहे. हे घटक शरीराल वृद्धत्वाच्या प्रक्रियेपासून वाचवतात आणि त्वचेला टवटवीत ठेवतात.

कलिंगड –

कलिंगडमध्ये भरपूर पाणी आणि लायकोपिन असते, जे त्वचेला हायड्रेट ठेवते आणि वृद्धत्वाची प्रक्रिया कमी करण्यास मदत करते. याशिवाय नियमित कलिंगड खाल्ल्याने त्वचा टवटवीत आणि चमकदार होते. त्यामुळे दीर्घकाळ तरूण दिसण्यासाठी ही फळे नक्की खायला हवीत.

पपई –

पपईत व्हिटॅमिन ए, सी, लायकोपिनने समृद्ध फळ आहे. पपई खाल्ल्याने त्वचा चमकदार होते आणि तरूण दिसण्यास मदत होते. तरूण दिसण्याव्यतिरिक्त वजन नियंत्रणाता ठेवण्यासाठी पपई फायदेशीर आहे.

डाळिंब –

डाळिंबातील ऍटीऑक्सिडंट्स गुणधर्म त्वचेवरील कोलेजन वाढवण्यासाठी प्रभावी उपाय आहे. यामुळे अतिनील किरणांचे नुकसान होते.

एवोकोडो –

एवोकॅडो निरोगी चरबी आणि व्हिटॅमिन्स त्वचेला हायड्रेट ठेवतात. यामुळे वृद्धत्वाची प्रक्रिया कमी होते. तुम्ही दररोज हे फळ खाऊ शकता. यामुळे दीर्घकाळ तरूण दिसण्यासाठी मदत होईल.

इतर टिप्स –

• नियमित व्यायाम केल्याने तुमचे शरीर आणि त्वचा अधिक तरूण दिसू लागते.
• पुरेसे पाणी प्यायल्याने त्वचा हायड्रेट राहते, ज्यामुळे त्वचा चमकदार होऊन तुम्ही तरूण दिसता.
• दीर्घकाळ तरूण दिसण्यासाठी आनंदी आणि उत्साही राहणे गरजेचे आहे. तुम्ही जेव्हा आनंदी आणि उत्साही राहिल्यास त्वचा निरोगी राहते. ज्यामुळे त्वचेच्या तक्रारी उद्भवत नाहीत.

हेही पाहा –