பிரதமர் நரேந்திர மோடி சுதந்திர தினத்தன்று ஜிஎஸ்டி வரி விகிதத்தை மாற்றும் திட்டத்தை அறிவித்தார். இத்திட்டம் தீபாவளிக்கு முன் இதை அமல்படுத்த திட்டமிடப்பட்டுள்ளது. இதன் கீழ், 12% மற்றும் 28% வரி விகிதங்கள் ரத்து செய்யப்படும் என்று தகவல்கள் தெரிவிக்கின்றன. 12% வரி விகிதத்தில் உள்ள பெரும்பாலான பொருட்கள் மற்றும் சேவைகளை 5% மற்றும் 18% வரி விகிதங்களுக்கு மாற்றும் திட்டம் உள்ளது. அதே நேரத்தில், 28% வரி விகிதத்தில் உள்ள பொருட்கள் புதிய 40% வரி விகிதத்தில் சேர்க்கப்படும்.



2025 ஆம் ஆண்டு மத்திய பட்ஜெட்டில் புதிய வரி ஆட்சியின் கீழ் ரூ.12 லட்சம் வரை வருமானத்தை வரியிலிருந்து விலக்கு அளிக்கும் முடிவு எடுக்கப்பட்ட பிறகு, இப்போது ஜிஎஸ்டி சீர்திருத்த அறிவிப்பு நடுத்தர வர்க்க வரி செலுத்துவோர் உட்பட சாமானியர்களுக்கு மற்றொரு பெரிய நிவாரணத்தைக் கொண்டு வந்துள்ளது.



ஜிஎஸ்டி 2.0 திட்டத்தால் விலை குறையும் பொருட்கள்!



ஜிஎஸ்டி வரியில் சீர்த்திருத்தம் அதாவது மாற்றம் ஏற்பட்டால், மிகப்பெரிய நன்மை அடையப் போவது கார், ஏசி, டிவி, குளிர்சாதன பெட்டி, சலவை இயந்திரம் மற்றும் சிமென்ட் போன்ற மின்னணு பொருட்களுக்கு இருக்கலாம். இந்த பொருட்களை 28% வரி அடுக்கிலிருந்து நீக்கி 18% அடுக்கில் வைக்கலாம். ஜவுளி, உரம், புதுப்பிக்கத்தக்க எரிசக்தி, வாகனம், கைவினைப்பொருட்கள், விவசாயம், சுகாதாரம் மற்றும் காப்பீடு உள்ளிட்ட சுமார் 8 துறைகள் இதன் மூலம் பயனடைய வாய்ப்புள்ளது.



PTI செய்தி நிறுவனத்தின்படி, ஆடம்பர மற்றும் தீங்கு விளைவிக்கும் பொருட்களுக்கு 40% சிறப்பு GST விகிதமும் விதிக்கப்படலாம். இருப்பினும், புகையிலை மற்றும் குட்கா, பான் மசாலா போன்ற பொருட்கள் உள்ளிட்ட 7 பொருட்களுக்கு மட்டுமே 40% வரி விதிக்க முடியும். ஆன்லைன் கேமிங்கையும் இதில் சேர்க்கலாம், மேலும் அதற்கு அதிகபட்ச வரி விதிக்கலாம்.



ஆட்டோமொபைல் துறைக்கு ஜிஎஸ்டி விகிதம் என்னவாக இருக்கும் என்பது இன்னும் தெளிவாகத் தெரியவில்லை. தற்போது, இவற்றுக்கு 28% என்ற விகிதத்தில் வரி விதிக்கப்படுகிறது. பெட்ரோல், டீசல், இயற்கை எரிவாயு, ஏடிஎஃப் மற்றும் கச்சா எண்ணெய் ஆகியவை ஜிஎஸ்டியின் லிமிட்டிற்குள் வராமல் போகலாம்.



ஜிஎஸ்டி மாற்றத்தால் பயனடையும் நிறுவனங்கள்!



1.ஆட்டோ துறை பயன் பெறும் என்பதால் மாருதி, டாடா மோட்டார்ஸ், அசோக் லேலேண்ட் நிறுவனங்களும் பயனடையும். ஏனெனில் ஜிஎஸ்டி 28% லிருந்து 18% ஆகக் குறைக்கப்பட்டால் வாகனங்கள் விலை குறையும், அதனால் விற்பனை அதிகமாகும், அப்படியெனில் நிறுவனங்களின் வருவாயும் உயரும்.



2. வங்கித்துறைகள் பயனடையும் என்பதால் ஐசிஐசிஐ வங்கி, எச்டிஎஃப்சி வங்கி, ஐடிஎஃப்சி ஃபர்ஸ்ட் வங்கிகளும் பயனடையும்.



3. வங்கி சாரா நிதி நிறுவனங்கள் - EMI மலிவாக இருக்கும், கடன்களுக்கான தேவை அதிகரிக்கும் அதனால் பஜாஜ் பைனான்ஸ் நிறுவனமும் பயனடையும்.



4. சிமெண்ட் துறைக்கும் ஜிஎஸ்டி குறையும் என்பதால், ஜே.கே. சிமென்ட், அல்ட்ராடெக் சிமெண்ட் நிறுவனங்களும் பயன்பெறும்.



5. நுகர்வோர் பிரதானப் பொருட்கள் நிறுவனங்களான் HUL, பிரிட்டானியா நிறுவனங்களும் பயனடையும்.



6. நுகர்வோர் நீடித்து உழைக்கும் பொருட்கள் - அப்படியெனில் ஏசி ஃபிரிட்ஜ் போன்ற பொருட்கள் விலையும் குறையும் என்பதால், விற்பனை அதிகமாகும். அதனால் வோல்டாஸ், ஹேவல்ஸ் நிறுவனங்கள் பயனடையும்.



7.EMS துறையும் பயனடையும். ஏனெனில் வரி குறைப்பால் ஏசி உற்பத்தி நிறுவனங்கள் பயனடையும் அதனால் Amber நிறுவனமும் பயனைப் பெறும்.



8. இன்சூரன்ஸ் - மூத்த குடிமக்கள் பாலிசிகளுக்கான ஜிஎஸ்டி வரி 18% இலிருந்து குறைக்கப்படலாம் அதனால் நிவா பூபா, மேக்ஸ் லைஃப், HDFC லைஃப், ஸ்டார் ஹெல்த் நிறுவனங்களும் பயனடையும்.



9. டெலிவரி நிறுவனங்களான எடர்னல், ஸ்விக்கி நிறுவனங்களும் பிளார்ட்பார்ம் மற்றும் ஹோட்டல் ஜிஎஸ்டி கட்டணங்களால் மொத்த கட்டணம் குறையும், அதனால் ஆர்டர்கள் குவியும், நிறுவனங்களின் வருமானமும் உயரும்.



அப்பறம் என்ன மக்களே கார் வாங்குற பிளான், ஏசி என்ன பொருட்கள் எல்லாம் வாங்கனுமோ, தீபாவளி ஆஃபரோட வந்த வாங்கி வைச்சுக்கோங்க..