பள்ளிக்குச் செல்வதற்காக வெளியேறிய ஒரு சிறுவன், திடீரென பசி தாங்காமல், சாலையோரத்தில் திறந்தவெளி வடிகாலருகே நின்று தனது டிபனை எடுத்துச் சாப்பிடும் வீடியோ ஒன்று இணையத்தில் வைரலாகி வருகிறது. குழந்தையின் அப்பாவித் தோற்றம் பலரது மனங்களையும் தொட்டுள்ளது.

இந்த வீடியோ எந்த மாநிலத்தில் எடுத்தது என்பதற்கான உறுதியான தகவல் இல்லையெனினும், சமூக ஊடகங்களில் இது உத்தரப்பிரதேசம், அலிகர் மாவட்டத்தில் உள்ள கைர் சாலை, கோண்டா டர்ன் பகுதியில் பதிவானதாக சொல்லப்படுகிறது.

வீடியோவில், பள்ளிக்குச் செல்லும் வழியில் இருந்த சிறுவன், சாலையோரத்தில் ஒரு குழிக்கருகே நின்று, தனது டிபன் பாக்ஸை திறந்து நூடுல்ஸ் போன்ற உணவை சாப்பிட ஆரம்பிக்கிறார். இதைப் பார்த்த ஒருவர், அதை வீடியோவாக படம் பிடித்து இணையத்தில் பகிர்ந்துள்ளார்.