திருமணம் செய்வதாக கூறி விவாகரத்து பெற்ற பெண்ணுடன் பலமுறை உறவில் ஈடுபட்டதாக 32 வயதான நபர் மீது பாலியல் குற்றச்சாட்டு பதிவு செய்யப்பட்டது. இந்த வழக்கில் அவர் கடந்த சில நாட்களாக காவலில் இருந்த நிலையில், ஜாமீன் கோரி கேரளா உயர்நீதிமன்றத்தில் மனு தாக்கல் செய்திருந்தார். இந்த மனுவை விசாரித்த நீதிபதி குரியன் தோமஸ் கூறியதாவது, “பாதிக்கப்பட்ட பெண்ணும் குற்றம்சாட்டப்பட்ட நபரும் கடந்த இரண்டு வருடங்களாக உடன்பாடுடன் உறவில் இருந்தனர். திருமண செய்ய மறுத்த காரணத்தால் பாலியல் புகார் கொடுக்கப்பட்டது என ஆரம்ப கட்ட ஆதாரங்கள் கூறுகின்றன” என்று தெரிவித்தார்.

பாதிக்கப்பட்ட பெண், “திருமணம் செய்து கொள்வதாக வாக்களித்த நபர், என்னிடம் பலமுறை உடன்பாடுடன் உறவு வைத்துக்கொண்டு இப்பொது புறக்கணித்தார். கானடாவிற்கு அழைத்துச் செல்லுவதாகக் கூறி நம்பிக்கை கொடுத்துவிட்டு தற்போது என் தொலைபேசி எண்ணையும் பிளாக் செய்துள்ளார்” எனக் கூறியிருந்தார். மேலும் அவர் 7 வயதுடைய பெண் குழந்தைக்கு தாயாக இருப்பது குறிப்பிடத்தக்கது. இந்த புகாரின் அடிப்படையில், இந்திய குற்றச்சாட்டு சட்டம் மற்றும் பாரதிய ந்யாய சனிதா பிரிவுகளின் கீழ் வழக்குப் பதிவு செய்யப்பட்டது.

இதையடுத்து, வழக்கை பரிசீலித்த நீதிபதி, “இவ்வழக்கில் இரண்டு பேருக்கும் இடையே உள்ள உறவு உடன்பாடுடையதுதான் என்பதை ஆதாரங்கள் கூறுகின்றன. இதனால் குற்றம்சாட்டப்பட்ட நபரை தொடர்ந்து காவலில் வைக்க தேவையில்லை” எனக் கூறி, சில நிபந்தனைகளுடன் ஜாமீன் வழங்கினார். அதன்படி, குற்றவாளி விசாரணையில் முழுமையாக ஒத்துழைக்க வேண்டும், சாட்சிகளிடம் அல்லது வழக்கு சம்பந்தமான ஆதாரங்களில் தலையிடக் கூடாது எனவும் உத்தரவிடப்பட்டு, வழக்கு தொடர்ந்து விசாரணையில் உள்ளதாகவும் கூறப்படுகிறது.