தெலங்கானா மாநிலம் வரங்கலில் 7 வயது சிறுமி ஒருவரை நாய்கள் கூட்டமாகத் தாக்கிய சம்பவம் மாநிலம் முழுவதும் அதிர்ச்சியை ஏற்படுத்தியுள்ளது.

நியூ ஷயம்பேட், ஹன்மகொண்டா பகுதியில் தனியாகச் சென்ற சிறுமி மீது 8–10 நாய்கள் திடீரென பாய்ந்தன. சிறுமி கீழே விழுந்ததும் அந்த நாய்கள் கடித்து இழுத்துச் செல்கிறது. அங்கு சென்ற ஒருவர் தைரியமாக முன்வந்து நாய்களை விரட்டி சிறுமியை மீட்டார். உடனே மருத்துவமனைக்கு அழைத்துச் செல்லப்பட்ட அந்த சிறுமி சிகிச்சை பெற்று வருகிறார். சம்பவம் அருகிலிருந்த CCTV கேமராவில் பதிவு செய்யப்பட்டதால், வீடியோ சமூக வலைதளங்களில் வேகமாக பரவி, மக்கள் கடும் கண்டனம் தெரிவித்து வருகின்றனர்.