பசும்பொன் முத்துராமலிங்கத் தேவரின் 118-வது ஜெயந்தி மற்றும் 63-வது குருபூஜையை முன்னிட்டு, தமிழக முதலமைச்சர் மு.க.ஸ்டாலின் மதுரையில் உள்ள தேவர் சிலைக்கு மாலை அணிவித்து மரியாதை செலுத்தினார்.

ராமநாதபுரம் மாவட்டம் கமுதியை அடுத்த பசும்பொன் கிராமத்தில் ஒவ்வொரு ஆண்டும் தேவர் ஜெயந்தி மற்றும் குருபூஜை விழா ஆன்மிகமும், அரசியல் ரீதியிலும் மிகுந்த சிறப்பாக நடைபெறுகிறது. இவ்வாண்டு விழா யாகசாலை பூஜைகளுடன் தொடங்கிய நிலையில், நேற்று அரசியல் நிகழ்வுகளும் நடைபெற்றன.

இன்று நடைபெறும் அரசு விழாவில் துணை ஜனாதிபதி சி.பி.ராதாகிருஷ்ணன், முதலமைச்சர் மு.க.ஸ்டாலின், எதிர்க்கட்சித் தலைவர் எடப்பாடி பழனிசாமி, பல்வேறு அமைச்சர்கள், எம்.பி., எம்.எல்.ஏ.க்கள், சமுதாயத் தலைவர்கள் உள்ளிட்டோர் பங்கேற்கின்றனர்.

அப்பகுதியில் 8 ஆயிரத்துக்கும் மேற்பட்ட போலீசார் பாதுகாப்பு பணியில் ஈடுபடுத்தப்பட்டுள்ளனர். கமுதி–பசும்பொன் வழித்தடம் முழுவதும் 4,300 கண்காணிப்பு கேமராக்கள் பொருத்தப்பட்டு, இரண்டு கட்டுப்பாட்டு அறைகள் செயல்படுத்தப்பட்டுள்ளன. தென்மண்டல ஐ.ஜி. பிரேம் ஆனந்த் சின்கா தலைமையில் பாதுகாப்பு ஏற்பாடுகள் தீவிரமாக நடைபெற்று வருகின்றன.

இதற்கிடையில், மதுரை கோரிப்பாளையத்தில் உள்ள தேவர் சிலைக்கும், மருது பாண்டியர்களின் 224வது குருபூஜையை முன்னிட்டு தெப்பக்குளத்தில் உள்ள அவர்களது சிலைக்கும் முதலமைச்சர் ஸ்டாலின் மாலை அணிவித்து மரியாதை செலுத்தினார்.

இந்த நிகழ்வு மதுரை முழுவதும் அரசியல் உற்சாகத்தையும், தேவர் ஆதரவாளர்களிடையே பெரும் உற்சாகத்தையும் ஏற்படுத்தியுள்ளது.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?