ஈரோட்டில் நடைபெற்ற தவெக பொதுக்கூட்டம் அரசியல் மட்டுமல்லாமல், விஜயின் பயண ஏற்பாடுகளாலும் பெரும் கவனம் பெற்றுள்ளது. குறிப்பாக அவர் பயன்படுத்திய தனி விமானம் குறித்த தகவல்கள் சமூக வலைத்தளங்களில் வைரலாகி, பொதுமக்களிடையே விவாதத்தை உருவாக்கியுள்ளது.

தவெக தலைவர் விஜய் ஈரோட்டில் மக்களை சந்தித்து உரையாற்றிய நிலையில், இந்த பயணத்திற்காக புதிய ரக சிறிய தனி விமானம் ஒன்றை அவர் தேர்ந்தெடுத்ததாக கூறப்படுகிறது. இந்த விமானத்தின் மதிப்பு ரூ. 8 கோடி முதல் ரூ. 100 கோடி வரை இருக்கலாம் என மதிப்பீடுகள் தெரிவிக்கின்றன.

அந்த தனி விமானத்தின் ஒரு நாள் வாடகை சுமார் ரூ. 14 லட்சம் என தகவல்கள் வெளியாகியுள்ளன. மேலும் ஒரு மணி நேரத்திற்கு ரூ. 2 லட்சம் முதல் ரூ. 4 லட்சம் வரை கட்டணம் வசூலிக்கப்படுவதாகவும் கூறப்படுகிறது. இந்த விவரங்களே தற்போது இணையத்தில் பரவலாக பேசப்பட்டு வருகின்றன.

இதையும் படிங்க: Video : ஈரோட்டை அதிரவைத்த விஜய்யின் ‘மாஸ்’ செல்ஃபி! வீடீயோவை வெளியிட்ட விஜய்! இணையத்தில் செம வைரல்!

இதற்கு முன்னதாக, ஜனநாயகன் திரைப்படத்தின் படப்பிடிப்பிற்காக கொடைக்கானல் சென்றபோதும் விஜய் தனி விமானத்தை பயன்படுத்தியிருந்தார். நேர மேலாண்மை மற்றும் பாதுகாப்பு காரணங்களுக்காகவே இவ்வகை பயணத்தை அவர் மேற்கொள்கிறார் என அவரது தரப்பினர் தெரிவிக்கின்றனர்.

ஈரோடு பொதுக்கூட்டத்தில் பேசிய விஜய், பெரியார் பெயரை பயன்படுத்தி கொள்ளையடிப்பவர்களே தங்களது அரசியல் எதிரிகள் என்றும், திமுக ஒரு தீய சக்தி என்றும் கடுமையாக விமர்சித்தார். மக்கள் விரோத திமுக அரசை வீழ்த்த மக்கள் சக்தியான தவெக மட்டுமே முடியும் என்றும், தூய சக்தியான தவெகக்கும் தீய சக்தியான திமுகவிற்கும் தான் நேரடி போட்டி என்றும் அவர் கூறினார்.

இதனால், விஜயின் அரசியல் பேச்சும், அவர் தேர்ந்தெடுத்த பயண முறையும் ஒரே நேரத்தில் பேசுபொருளாகி, ஈரோடு கூட்டம் தவெக அரசியலில் முக்கியமான திருப்பமாக மாறியுள்ளது.