திருமலை திருப்பதி ஏழுமலையான் கோவில் தர்ம தரிசன வரிசையில், இரண்டு பக்தர்களுக்கு இடையே ஏற்பட்ட வாக்குவாதம் பயங்கர மோதலாக மாறிய சம்பவம் பெரும் பரபரப்பை ஏற்படுத்தியுள்ளது. கிருஷ்ணதேஜ ஓய்வறையின் அருகே வரிசையில் நின்று கொண்டிருந்தபோது, இருவருக்குள் திடீரென மோதல் வெடித்தது. இதில் ஆத்திரமடைந்த ஒரு பக்தர், தான் அணிந்திருந்த பெல்ட்டைக் கழற்றி மற்றொரு பக்தரை சரமாரியாகத் தாக்கினார். இதனால் வரிசையில் நின்றிருந்த மற்ற பக்தர்கள் அதிர்ச்சியடைந்து அங்கும் இங்கும் ஓடியதால் கியூ லைனில் சிறிது நேரம் பதற்றம் நிலவியது.