சாதாரணமாக ஒரு பைக்கில் இருவர் அல்லது அதிகபட்சமாக மூவர் செல்வதையே நாம் பார்த்திருப்போம். ஆனால், தற்போது சமூக வலைதளங்களில் வைரலாகி வரும் ஒரு வீடியோ இணையவாசிகளையே தலைசுற்ற வைத்துள்ளது. ஒரு சாதாரண பைக்கில், விதிகளையெல்லாம் காற்றில் பறக்கவிட்டுவிட்டு, ஒரே நேரத்தில் 9 பேர் அமர்ந்து கொண்டு சாலையில் அசால்ட்டாகப் பயணம் செய்கின்றனர்.
View this post on InstagramA post shared by Sorabh Kushwah (@sorabh5108)
இந்த வீடியோவில், பைக்கின் டேங்க் (Tank) மீது மட்டும் 3 பேர் அமர்ந்திருக்க, மீதமுள்ள 6 பேர் சீட் மற்றும் ஒருவருக்கொருவர் தோளில் சாய்ந்து கொண்டு பேலன்ஸ் செய்தபடி செல்கின்றனர். இதில் ஆச்சரியமான விஷயம் என்னவென்றால், பைக்கை ஓட்டுபவர் முகத்தில் எந்தவித பயமும் இல்லாமல் மிகவும் நிதானமாக ஓட்டிச் செல்கிறார். “இதைப் பார்க்க சிரிப்பாக இருந்தாலும், இது மிக ஆபத்தான விளையாட்டு” என நெட்டிசன்கள் இந்த வீடியோவைப் பார்த்து கமெண்ட் செய்து வருகின்றனர். ஒரு சிறிய தவறு நடந்தாலும் மிகப்பெரிய விபத்தில் முடியும் என்பதால், இந்த வீடியோ இப்போது விவாதப் பொருளாகியுள்ளது.
