தமிழகத்தில் உள்ள அரசு மற்றும் அரசு உதவி பெறும் பள்ளிகளில் பயிலும் ஒன்று முதல் ஒன்பதாம் வகுப்பு வரையிலான மாணவர்களுக்கான முழு ஆண்டுத் தேர்வு கால அட்டவணை தற்போது அதிகாரப்பூர்வமாக வெளியிடப்பட்டுள்ளது. இதன்படி ஒன்று முதல் ஐந்தாம் வகுப்பு வரையிலான மாணவர்களுக்கு வரும் ஏப்ரல் மாதம் ஆறாம் தேதி தொடங்கி பதினாறாம் தேதி வரை தேர்வுகள் நடைபெறும் என்று அறிவிக்கப்பட்டுள்ளது.
அதேபோல் ஆறு முதல் ஒன்பதாம் வகுப்பு வரையிலான மாணவர்களுக்கு ஏப்ரல் மாதம் முதல் தேதியிலேயே தேர்வுகள் தொடங்கி பதினாறாம் தேதி வரை நடைபெற உள்ளன. நடைபெற உள்ள பொதுத் தேர்தலை முன்னிட்டு மாணவர்களுக்குத் தேர்வுகள் இம்முறை முன்கூட்டியே நடத்தப்படுவது குறிப்பிடத்தக்கது.
தேர்வுகள் முடிந்த கையோடு மாணவர்களுக்குச் சுமார் ஒன்றரை மாத காலத்திற்குப் கோடை விடுமுறை அளிக்கப்பட உள்ளது. வழக்கமாக மே மாதத்தில் தொடங்கும் விடுமுறை இம்முறை தேர்வுகள் விரைவாக முடிவடைவதால் முன்கூட்டியே தொடங்குகிறது. கோடை விடுமுறைக்குப் பிறகு பள்ளிகள் மீண்டும் திறக்கப்படும் தேதி குறித்துப் பின்னர் அறிவிக்கப்படும் என்று எதிர்பார்க்கப்படுகிறது.
இந்தத் திடீர் அறிவிப்பால் ஆசிரியர்களும் மாணவர்களும் தேர்வுக்கான ஆயத்தப் பணிகளில் தீவிரமாக ஈடுபட்டு வருகின்றனர். தேர்தலை முன்னிட்டு கல்வித் துறையில் மேற்கொள்ளப்பட்டுள்ள இந்த அதிரடி மாற்றங்கள் குறித்த விரிவான கால அட்டவணையைப் பள்ளித் தலைமையாசிரியர்கள் வாயிலாக மாணவர்கள் அறிந்து கொள்ளலாம் என்று தெரிவிக்கப்பட்டுள்ளது.
