சமூக ஊடகங்களில் தற்போது ஒரு சிறிய செம்மறியாடு, தன்னை விடப் பல மடங்கு பெரிய மற்றும் வலிமைமிக்க காளையைத் துணிச்சலுடன் எதிர்கொள்ளும் காணொளி வைரலாகி வருகிறது. பொதுவாக காளையின் உருவத்தையும் அதன் கொம்புகளையும் பார்த்தாலே மற்ற விலங்குகள் அஞ்சி ஓடும் நிலையில், இந்தச் செம்மறியாடு சிறிதும் பயமின்றி நேருக்கு நேர் நின்று சவால் விடுகிறது.

ஆரம்பத்தில் காளை ஆக்ரோஷமாகத் தாக்க முயன்றாலும், செம்மறியாடு பின்வாங்காமல் தனது முழு பலத்தையும் திரட்டித் திருப்பித் தாக்கியது அனைவரையும் ஆச்சரியத்தில் ஆழ்த்தியுள்ளது.

செம்மறியாட்டின் விடாப்படியான மற்றும் ஆக்ரோஷமான தாக்குதலால் ஒரு கட்டத்தில் நிலைகுலைந்த காளை, பயந்து அங்கிருந்து ஓட்டம் பிடித்தது. இன்ஸ்டாகிராமில் பகிரப்பட்ட இந்தக் காணொளியை ஆயிரக்கணக்கானோர் பார்த்து வியந்து வருகின்றனர்.