TRIBUNSUMSEL.COM - Saat menyambut Hari Kartini yang jatuh pada tanggal 21 April 2026, umumnya dilangsungkan beragam kegiatan.

Adapun saat acara tengah berlangsung, ketua panitia penyelenggara akan diminta untuk menyampaikan kata sambutan yang berkesan.

Kata sambutan ini bisa menggunakan berbagai bahasa, salah satunya dalam Bahasa Jawa agar mudah dipahami.

Berikut ini akan disajikan selengkapnya kumpulan contoh Kata Sambutan Ketua Panitia acara Hari Kartini 2026 dalam Bahasa Jawa yang singkat dan mudah dipahami sebagai referensi.

____

Kumpulan Kata Sambutan Ketua Panitia Acara Hari Kartini 2026

#Contoh (1)

Assalamu’alaikum Warahmatullahi Wabarakatuh,

Dhumateng Bapak Kepala Sekolah ingkang kinurmatan, Bapak/Ibu guru saha karyawan ingkang kawula bekteni, sarta para kanca-kanca siswa ingkang kula tresnani.

Langkung rumiyin, sumangga kita sesarengan ngaturaken puja lan puji syukur dhumateng ngarsanipun Gusti Allah Swt., awit saking nugraha lan berkahipun, kita sedaya saged kempal manunggal wonten ing adicara Pengetan Dinten Kartini menika kanthi kahanan sehat wal afiat.

Kula minangka ketua panitia, ngaturaken agunging panuwun dhumateng sedaya panitia ingkang sampun nyambut damel kanthi rukun lan temen, saéngga adicara menika saged kaleksanan kanthi saé. Pengetan dinten Kartini menika mboten namung upacara utawi lomba kémawon, nanging ugi minangka pangeling-eling bilih kita nggadhahi pahlawan putri ingkang luhur budinipun, inggih menika Ibu Kita Kartini.

Semangatipun Ibu Kartini ingkang kepingin majengaken kaum wanita menika kedah kita tuladha. Kangge para kanca estri, sumangga kita sinau kanthi sregep supados saged nggayuh gegayuhan ingkang inggil. Kangge kanca jaler, sumangga kita sami-sami paring pakurmatan lan dhukungan dhumateng sesami.

Mugi-mugi kanthi wontenipun adicara menika, kita sedaya saged nambah semangat kangge mbangun bangsa lan negari. Menawi wonten kirangipun anggenipun panitia nyiapaken adicara menika, kula nyuwun agunging pangapunten.

Wassalamu’alaikum Warahmatullahi Wabarakatuh.

___

#Contoh (2)

Nuwun, Sugeng Enjang, lan Sugeng Rahayu.

Ingkang kinurmatan Bapak Lurah saha Ibu Ketua Penggerak PKK, dhumateng para sesepuh dalah pinisepuh, sarta ibu-ibu lan bapak-ibu sedaya ingkang rawuh ingkang kula tresnani.

Puji syukur dhumateng Gusti Ingkang Maha Agung, kita taksih pinaringan wekdal kangge mengeti dinten ageng, inggih menika dinten miyosipun Ibu Kita Kartini. Kula minangka sesulih saking sedaya panitia, ngaturaken sugeng rawuh lan matur nuwun dhumateng panjenengan sedaya ingkang sampun kersa nglonggaraken wekdal rawuh ing mriki.

Ibu-ibu lan bapak-ibu ingkang minulya,
Wonten ing jaman modern menika, peran wanita sampun mboten saged dipunremehaken malih. Menika sedaya mboten uwal saking perjuanganipun Ibu Kartini ingkang sampun mbukak dalan pendhidhikan kangge para wanita. Ibu Kartini nate ngendika, bilih "Habis Gelap Terbitlah Terang". Menika tegesipun, mboten wonten kangelan ingkang mboten wonten dalan medalipun angger kita purun budidaya.

Pengetan dinten menika kedah dados pepadhang kangge kita sedaya, supados para wanita saged mandhiri, saged paring pambiyantu dhumateng kulawarga, nanging tetep mboten kesupen dhumateng kodratipun.

Mekaten ingkang saged kula aturaken. Mugi adicara dinten menika saged lancar ngantos paripurna. Cekap semanten atur kula, menawi wonten klenta-klentunipun atur, kula nyuwun agunging samodra pangaksami.

Matur Nuwun.

____

#Contoh (3)

Sugeng Siang lan Rahayu,

Ingkang satuhu kinurmatan para tamu undhangan, sarta sedaya kanca-kanca panitia ingkang kula banggaaken.

Saderengipun kula matur kathah, sumangga kita muji syukur dhumateng ngarsanipun Pangeran, awit saking berkahipun kita saged kempal wonten ing mriki kanthi swasana ingkang nengsemaken, katingal saé sanget panjenengan sedaya sami ngagem busana adat Jawi.

Kula minangka ketua panitia, rumaos mongkog lan seneng sanget amargi panjenengan sedaya semangat sanget mengeti dinten Kartini menika. Ancasipun adicara menika wonten kalih: ingkang sepisan inggih menika ngeling-eling jasa Ibu Kartini babagan emansipasi wanita, dene ingkang kaping kalih inggih menika nguri-uri budaya Jawi supados mboten ilang dipunpangan jaman.

Ibu Kartini menika tuladha bilih wanita saged pinter, saged nulis, lan saged nggadhahi pamikiran ingkang majeng. Mila, sumangga pengetan dinten menika kita isi kanthi kegiatan ingkang migunani, kados dene lomba-lomba ingkang sampun dipunsiapaken panitia.

Kula ugi ngaturaken matur nuwun dhumateng para sponsor lan sedaya pihak ingkang sampun paring pambiyantu. Mugi-mugi Gusti Allah mbales kasaenan panjenengan sedaya.

Mbok bilih wonten kirang trapsila anggen kula matur, ugi wontenipun papan panggonan ingkang kirang mranani penggalih, kula nyuwun agunging pangapunten.

Sugeng mengeti dinten Kartini! Matur nuwun.

(Tribunsumsel.com/Putri Kusuma Rinjani)

****

Ikuti dan bergabung disaluran WhatsApp Tribunsumsel.com