2026 அகவிலைப்படி உயர்வு: மத்திய அரசு ஊழியர்களின் பொறுமை எல்லை மீறியது! நாடு தழுவிய போராட்டத்தால் அதிரும் தலைநகரம்!
ET Tamil April 16, 2026 11:48 PM
மத்திய அரசு ஊழியர்கள் மற்றும் ஓய்வூதியதாரர்களுக்கான அகவிலைப்படி (DA) உயர்வுக்கான காத்திருப்பு நீண்டு கொண்டே செல்கிறது. ஜனவரி 2026-ல் அமலுக்கு வரவிருந்த அகவிலைப்படி உயர்வை அறிவிப்பதில் ஏற்பட்ட தாமதம், தற்போது ஊழியர்களிடையே பரவலான அதிருப்தியை ஏற்படுத்தியுள்ளது. இதற்குப் பதிலளிக்கும் விதமாக, நாடு முழுவதும் உள்ள மத்திய அரசு ஊழியர்கள் ஏப்ரல் 16, 2026 அன்று மதிய உணவு நேரப் போராட்டத்தை அறிவித்துள்ளனர்.
இந்தப் போராட்டத்திற்கு மத்திய அரசு ஊழியர்கள் மற்றும் தொழிலாளர்கள் கூட்டமைப்பு (CCGEW) என்ற ஊழியர் அமைப்பு அழைப்பு விடுத்துள்ளது. ஜனவரி 2026 முதல் நிலுவையில் உள்ள அகவிலைப்படி/அகவிலை நிவாரணத்தை (DA/DR) கூடிய விரைவில் அறிவித்து வழங்க வேண்டும் என ஊழியர்கள் அரசுக்குக் கோரிக்கை விடுத்துள்ளனர். தொடர்ச்சியான தாமதங்களால், தங்களின் பொறுமை குறைந்து வருவதாக ஊழியர் அமைப்புகள் தெரிவிக்கின்றன.
அமைப்பின் தலைவர் எஸ்.பி. யாதவ் அவர்களின் கூற்றுப்படி, வருமான வரித் துறை, அஞ்சல் துறை, வேளாண்மைத் துறை, இந்திய தாவரவியல் ஆய்வுத் துறை, இந்திய புவியியல் ஆய்வுத் துறை மற்றும் இந்திய நில அளவைத் துறை உள்ளிட்ட பல்வேறு முக்கியத் துறைகளைச் சேர்ந்த ஊழியர்கள் இந்த ஆர்ப்பாட்டத்தில் பங்கேற்கின்றனர். ஜனவரி 1, 2026 முதல் அமலுக்கு வரும் நிலுவையில் உள்ள அகவிலைப்படியை உடனடியாக அறிவிக்க வேண்டும் என்பதே அனைத்து ஊழியர்களின் முக்கியக் கோரிக்கையாகும்.
போராட்டக் களத்தில் ஊழியர் அமைப்புகள்மத்திய அரசு ஊழியர்கள் மற்றும் தொழிலாளர்கள் கூட்டமைப்பின் (CCGEW) தலைமையில் நடைபெறும் இந்தப் போராட்டத்தில், வருமான வரித் துறை முதல் அஞ்சல் துறை மற்றும் இந்திய நில அளவைத் துறை வரை பல்வேறு முக்கியத் துறை ஊழியர்கள் பங்கேற்கின்றனர். "எங்கள் உரிமையை இனியும் தாமதிக்காதே" என்ற முழக்கத்துடன், 2026 ஜனவரி முதல் வழங்கப்பட வேண்டிய நிலுவைத் தொகையை (Arrears) உடனடியாக வழங்க வேண்டும் என்பதே இவர்களின் பிரதான கோரிக்கையாக உள்ளது. 2016-ல் 7வது ஊதியக் குழு அமல்படுத்தப்பட்ட பிறகு, இவ்வளவு நீண்ட கால தாமதம் ஏற்படுவது இதுவே முதல் முறை என வருத்தத்துடன் தெரிவிக்கின்றனர் ஊழியர் சங்கத் தலைவர்கள்.
தாமதத்திற்கான பின்னணி என்ன?இந்தத் தாமதமானது அரசின் திட்டமிட்ட புறக்கணிப்பு அல்ல, மாறாக 8வது ஊதியக் குழுவிற்கான ஆயத்தப் பணிகள் மற்றும் சில தொழில்நுட்ப ரீதியான நிர்வாக மாற்றங்களால் ஏற்பட்டுள்ளதாக பொருளாதார நிபுணர்கள் கருதுகின்றனர். இருப்பினும், ஊழியர்களுக்கு இதில் ஒரு சிறிய ஆறுதல் என்னவென்றால், அறிவிப்பு எப்போது வெளியானாலும் அது 2026 ஜனவரி 1-ம் தேதியிலிருந்து கணக்கிடப்பட்டு, நிலுவைத் தொகையாக (DA Arrears) முழுமையாக வழங்கப்பட்டுவிடும். எனவே, காலதாமதம் ஏற்பட்டாலும் பண இழப்பு இருக்காது என்பது உறுதி.
DA எவ்வளவு உயர்வு கிடைக்க வாய்ப்புள்ளது?அகில இந்திய நுகர்வோர் விலைக் குறியீட்டின் (AICPI-IW) தரவுகளை ஆய்வு செய்ததில், இம்முறை அகவிலைப்படி 2% முதல் 3% வரை உயர வாய்ப்புள்ளது எனத் தெரிகிறது. தற்போது 58%-ஆக இருக்கும் அகவிலைப்படி, 2% உயர்வு கிடைத்தால் 60%-ஆகவும், ஒருவேளை 3% உயர்வு கிடைத்தால் 61%-ஆகவும் அதிகரிக்கும். பணவீக்கத்தைச் சமாளிக்க இந்த உயர்வு மிகவும் அவசியம் என்பதால், அரசு விரைவில் நல்ல முடிவை எடுக்கும் என எதிர்பார்க்கப்படுகிறது.
அகவிலைப்படி 2-3% உயர்ந்தால் சமபளம் என்னவாக இருக்கும்?
குறிப்பு: வீட்டு வாடகைப்படி (HRA), பயணப்படி (TA) மற்றும் இதர படிகளைச் சேர்த்து மொத்த சம்பளம் மதிப்பிடப்படுகிறது, எனவே உண்மையான சம்பளம் ஊழியர்களுக்கு ஏற்ப மாறுபடலாம்.
