சிம்புவின் சினிமா வாழ்வில் அவருக்கு சூப்பர் ஹிட் பாடல்களை கொடுத்தது யுவன் சங்கர் ராஜா என்றுதான் சொல்லவேண்டும். யுவன் சங்கர் ராஜாவின் இசையில் சிம்பு நடித்து வெளியான மன்மதன் உள்ளிட்ட பல படங்களின் பாடல்கள் சூப்பர் ஹிட்தான். எனவேதான் தனது படங்களில் யுவனை தொடர்ந்து இசையமைக்க வைத்தார் சிம்பு.
அதோடு யுவனுக்கு மிகவும் நெருக்கமான நண்பராகவும் இருக்கிறார்
. அனிருத் பல படங்களில் இசையமைத்து முன்னணி இசையமைப்பாளராக மாறிய பின்னரும் கூட சிம்பு அனிருத் பக்கம் செல்லவில்லை. வெற்றிமாறன் இயக்கத்தில் உருவாகும் அசுரன் படத்தில் மட்டுமே அனிருத் இசையமைக்கிறார்.
சமீப காலமாக நடிகர் சிம்பு சாய் அபயங்கருடன் நெருக்கமானவராக மாறியிருக்கிறார். பார்க்கிங் படத்தை இயக்கிய ராம்குமார் பாலகிருஷ்ணன் இயக்கத்தில் சிம்பு ஒரு படத்தில் நடிப்பது உறுதியானது. இதையடுத்து துபாயிலிருந்த சிம்பு சாய் அபயங்கரையும், ராம்குமாரையும் துபாய்க்கு வரவழைத்து மூவரும் சேர்ந்து சில பாடல்களை உருவாக்கியிருக்கிறார்கள்..
ஆனால் படம் டிராப் ஆகிவிட்டதால் அந்த பாடல்களை பயன்படுத்த முடியவில்லை. இதையடுத்து தான் நடிக்கும் படங்களில் தொடர்ந்து சாய் அபியங்கரையே இசையமைக்க வைக்கலாம் என சிம்பு திட்டமிட்டிருக்கிறாராம். அந்த படங்களில் துபாயில் உருவாக்கிய அந்த பாடல்களை பயன்படுத்தவும் அவர் திட்டமிட்டிருக்கிறாராம்.
