அகமதாபாத் நரேந்திர மோடி மைதானத்தில் நடைபெற்ற ஐபிஎல் 2026 தொடரின் பரபரப்பான லீக் ஆட்டத்தில், ராயல் சேலஞ்சர்ஸ் பெங்களூரு மற்றும் குஜராத் டைட்டன்ஸ் அணிகள் மோதின.

இந்தப் போட்டியின் 5-வது ஓவரில், புவனேஷ்வர் குமார் வீசிய பந்தை எதிர்கொண்ட குஜராத் கேப்டன் ஷுப்மன் கில், கவர்ஸ் திசையில் பந்தை விளாச முயன்றார். ஆனால், அங்கு மின்னல் வேகத்தில் குறுக்கிட்ட விராட் கோலி, அந்த அபாரமான கேட்சை லாவகமாகப் பிடித்து கில்லை வெளியேற்றினார்.

கேட்சைப் பிடித்த அடுத்த வினாடியே தனது டிரேட்மார்க் ஆக்ரோஷத்தை வெளிப்படுத்திய கோலி, கையில் இருந்த பந்தைத் தரையில் ஓங்கி அடித்துக் கொண்டாடினார். கோலியின் இந்த ஆக்ரோஷமான கொண்டாட்டம் மைதானத்தில் இருந்த ரசிகர்களை உற்சாகத்தில் ஆழ்த்தியதுடன், இது தொடர்பான வீடியோ தற்போது இணையத்தில் காட்டுத்தீயாய் பரவி வருகிறது.