இன்றைய நவீன வாழ்க்கை முறையில், ஆரோக்கியமற்ற உணவுப் பழக்கங்களால் (Foods) ஏற்படும் உடல் எடை அதிகரிப்பு ஒரு தீவிரமான பிரச்சனையாகிவிட்டது. எனவே, உடல் எடையை (Weight) குறைப்பதில் முதல் மற்றும் மிக முக்கியமான படி, உங்கள் உணவில் இருந்து வெள்ளைச் சர்க்கரையை முழுமையாக நீக்குவதாகும். இந்தச் சர்க்கரையில் ஊட்டச்சத்துக்கள் எதுவும் இல்லாததாலும், இது நேரடியாக உடலில் கொழுப்பாகச் சேமிக்கப்படுவதாலும், இது ‘வெற்று கலோரி’ என்று அழைக்கப்படுகிறது. இதுபோன்ற சூழ்நிலையில் நாம் திடீரென்று சர்க்கரையை (Sugar) தவிர்க்கும்போது, நம் உடல் சர்க்கரை மீதான ஏக்கத்தை உணரத் தொடங்குகிறது. இந்தச் சூழ்நிலையில், அதை எதிர்ப்பது மிகவும் கடினமாகிவிடுகிறது, மேலும் பலர் தங்கள் எடை குறைப்புப் பயணத்தை பாதியிலேயே கைவிடுகிறார்கள்.
எடை குறைப்பது என்பது இனிப்புகளை நிரந்தரமாகத் தவிர்ப்பது அல்ல, மாறாக விவேகமான மற்றும் ஆரோக்கியமான தேர்வுகளை மேற்கொள்வதே ஆகும் என்பதைக் கவனத்தில் கொள்ள வேண்டியது அவசியம். திடீரென்று முழுமையாக சர்க்கரையை நிறுத்திவிட்டு ஏதேனும் ஒருநாளில் சர்க்கரை சாப்பிடும்போது, தலைவலி, முகத்தில் பருக்கள் போன்ற பிரச்சனைகள் ஏற்படும். உங்கள் எடையை அதிகரிக்காமல், உங்கள் இனிப்புத் தேவையைப் பூர்த்தி செய்யக்கூடிய சில இயற்கையான மற்றும் ஆரோக்கியமான வழிகளைப் பற்றிப் பார்ப்போம்.
ALSO READ: இனி தினமும் நிம்மதியாக தூங்க வேண்டுமா? இந்த உணவுகளை சாப்பிட்டாலே போதும்.!
பழங்கள்:மதிய வேளையிலோ அல்லது மாலையிலோ உங்களுக்கு இனிப்பு சாப்பிட ஆசைப்படும்போதெல்லாம், பேஸ்ட்ரிகள், சாக்லேட் அல்லது பிஸ்கட்டுகளுக்குப் பதிலாக ஒரு கப் ப்ரஸான பழங்களைச் சாப்பிடலாம். அதன்படி, ஆப்பிள், ஸ்ட்ராபெர்ரி, ப்ளூபெர்ரி, ஆரஞ்சு, கொய்யா மற்றும் பப்பாளி போன்ற பழங்களில் இயற்கையான இனிப்பு (ஃபிரக்டோஸ்) உள்ளது. மேலும், இவற்றில் நார்ச்சத்து, வைட்டமின்கள் மற்றும் ஆன்டிஆக்ஸிடன்ட்கள் நிறைந்துள்ளன. நார்ச்சத்து இந்தப் பழங்களை மெதுவாக ஜீரணிக்க உதவுகிறது. இரத்தச் சர்க்கரையில் திடீர் ஏற்றம் ஏற்படுவதைத் தடுக்கிறது. மேலும், உங்களை நீண்ட நேரம் வயிறு நிறைந்ததாக உணர வைக்கிறது.
பேரீச்சை:பேரீச்சை இயற்கையின் ஒரு விலைமதிப்பற்ற கொடையாகக் கருதப்படுகிறது. இவை இனிப்பானவை மட்டுமல்ல, நார்ச்சத்து, பொட்டாசியம், மெக்னீசியம் மற்றும் இரும்புச்சத்து ஆகியவற்றின் சிறந்த மூலமாகவும் உள்ளன. உடல் எடையைக் குறைக்கும்போது உங்களுக்கு இனிப்பு சாப்பிட வேண்டும் என்ற அதிகளவிலான ஆசை ஏற்பட்டால், நீங்கள் ஒன்று அல்லது 2 பேரீச்சைகளைச் சாப்பிடலாம். மேலும், வீட்டில் தயாரிக்கப்படும் எடை குறைப்பு ஸ்மூத்திகள், ஓட்ஸ் அல்லது ஆரோக்கியமான ஷேக்குகள் போன்றவற்றைத் தயாரிக்கும்போது சர்க்கரைக்குப் பதிலாக பேரீச்சை விழுது பயன்படுத்தலாம். இதில் இயற்கையான கலோரிகள் இருப்பதால், இதை குறைந்த அளவில் உட்கொள்வது சிறந்தது.
பதப்படுத்தப்படாத தேன்:சுத்தமான அல்லது இயற்கை தேனை மிதமான அளவில் உட்கொள்வது சர்க்கரைக்கு ஒரு சிறந்த மாற்றாகும். வெள்ளை சர்க்கரையைப் போலல்லாமல், தேனில் ஏராளமான ஆன்டிஆக்ஸிடன்ட் மற்றும் பாக்டீரியா எதிர்ப்பு பண்புகள் உள்ளன. இவை உடலின் செரிமான அமைப்பை மேம்படுத்துகின்றன. காலையில் அரை ஸ்பூன் தேனை எலுமிச்சை சாறுடன் வெதுவெதுப்பான நீரில் கலந்து குடிப்பது உடல் கொழுப்பைக் கரைக்க உதவும். இருப்பினும், தேனில் கலோரிகள் இருப்பதால், சுவைக்காக மட்டுமே இதை சிறிய அளவில் உட்கொள்ள வேண்டும்.
ALSO READ: குறைவாக சாப்பிடுவது உடல் எடையை குறைக்குமா? விரிவான பார்வை!
வெல்லம்:வெள்ளைச் சர்க்கரையுடன் ஒப்பிடும்போது, இரசாயனச் செயல்முறைகள் இன்றித் தயாரிக்கப்படும் வெல்லம் ஒரு சிறந்த மாற்றாகும். வெல்லத்தில் இரும்பு, பாஸ்பரஸ் மற்றும் பொட்டாசியம் போன்ற அத்தியாவசியத் தாதுக்கள் உள்ளன. இவை செரிமான அமைப்பை வலுப்படுத்துகின்றன. உணவுக்குப் பிறகு மக்களுக்கு இனிப்பு சாப்பிட வேண்டும் என்ற ஆசை ஏற்படுவதுண்டு. அத்தகைய சமயங்களில், சர்க்கரை இனிப்புகளுக்குப் பதிலாக ஒரு சிறிய துண்டு வெல்லத்தைச் சாப்பிடுவது, அந்த இனிப்பு ஆசையைத் திருப்திப்படுத்தவும், எளிதில் செரிமானம் ஆகவும் உதவும்.
