தமிழகத்தில் நிதி தொடர்பான பல்வேறு திட்டங்களை செயல்படுத்த டாஸ்மாக் மற்றும் பத்திரப்பதிவு துறை முக்கிய நிதி ஆதாரமாக உள்ளது. மேலும் இந்த இரு துறைகள் மட்டும் தினமும் பல நூறு கோடி ரூபாய் வருவாய் ஈட்டுகின்றன. இதன் மூலம் கிடைக்கும் வருவாயில் பல திட்டங்கள் செயல்படுத்தப்படுகின்றன. அதன்படி, தமிழகத்தில் 4,829 டாஸ்மாக் கடைகள் மூலம் மது விற்பனை செய்யப்படுகிறது. ஒரு நாளைக்கு 120 கோடியும், மாதத்திற்கு சராசரியாக ரூ.3,698 கோடி வருவாய் ஈட்டுகின்றனர். கடந்த 2022-23ம் நிதியாண்டில் தமிழகம் முழுவதும் 44 ஆயிரத்து 121 கோடியே 13 லட்சம் ரூபாய் மது விற்பனை நடந்துள்ளது. இதை சமாளிக்க 2023-2024ல் 45 ஆயிரத்து 855 கோடியே 67 லட்சத்துக்கு மது விற்பனை செய்யப்பட்டது.

இந்நிலையில் தமிழக அரசு சார்பில் ஆண்டுதோறும் 8 நாட்கள் விடுமுறை அளிக்கப்படுகிறது. திருவள்ளுவர் தினம், குடியரசு தினம், மகாவீர் ஜெயந்தி, வடலூர் ராமலிங்கர் நினைவு தினம், மே தினம், சுதந்திர தினம், நபிகள் நாயகம் பிறந்த நாள், காந்தி ஜெயந்தி ஆகிய நாட்களில் சிறப்பு விடுமுறை அளிக்கப்படுகிறது. இதுமட்டுமின்றி சட்டம் ஒழுங்கு பிரச்னை உள்ள பகுதிகளில் முன்னெச்சரிக்கை நடவடிக்கையாக மதுக்கடைகள் மூடப்பட்டுள்ளன. மேலும் முக்கிய கோவில் திருவிழாக்களின் போது மாவட்ட ஆட்சியர் உத்தரவின் பேரில் மதுக்கடைகள் மூடப்படும்.

அதன்படி, வரும் அக்டோபர் 28, 29, 30 ஆகிய தேதிகளில் டாஸ்மாக் கடைகள் மூடப்படும் என அறிவிப்பு வெளியாகியுள்ளது. அதன்படி, ஆண்டுதோறும் அக்டோபர் 30ம் தேதி பசும்பொன் முத்துராமலிங்கத் தேவர் ஜெயந்தி விழா மற்றும் குருபூஜை நடைபெறும். இதையொட்டி 144 தடை உத்தரவும், கடுமையான கட்டுப்பாடுகளும் விதிக்கப்படும். முத்துராமலிங்க தேவரின் குருபூஜையையொட்டி, மக்கள் முலை பாரி எடுத்து பாலாபிஷேகம் செய்து வழிபடுகின்றனர்.

மேலும், பசும்பொன்னில் நடைபெறும் நினைவேந்தலில் முதல்வர், எதிர்க்கட்சித் தலைவர் உள்ளிட்ட அரசியல் கட்சித் தலைவர்கள் பங்கேற்கின்றனர். இதனால் சட்டம்-ஒழுங்கு பிரச்சனை ஏற்படாத வகையில் பல்வேறு உத்தரவுகள் பிறப்பிக்கப்படும். அந்த வகையில் ராமநாதபுரத்தில் அக்டோபர் 28, 29, 30 ஆகிய தேதிகளில் மதுக்கடைகள் மற்றும் பார்களை மூட கடந்த ஆண்டு உத்தரவு பிறப்பிக்கப்பட்டது.

மதுரை மாவட்டத்திலும் அக்டோபர் 29, 30, 31ஆகிய மூன்று தினங்களில் அனைத்து மதுபானக் கடைகளும் மூடப்படும் என்றும், கேளிக்கை மையங்கள், பார்கள் இயங்காது என்றும் மாவட்ட ஆட்சியர் அறிவித்துள்ளார். மேலும் தூத்துக்குடி மாவட்டத்தில் உள்ள அரசு மதுக்கடைகளை மூட மாவட்ட ஆட்சியர் அக்டோபர் 30ம் தேதி உத்தரவிட்டார்.சிவகங்கை மாவட்டத்திலும் மதுக்கடைகளை மூட உத்தரவிடப்பட்டுள்ளது.