தமிழ் திரையுலகின் உச்சநட்சத்திர நடிகர் அஜித். இவருக்கு என்று கோடிக்கணக்கான ரசிகர்கள் உள்ளனர். திரைப்பட நடிகரான இவர் புகைப்பட கலைஞர், கார் மற்றும் பைக் பந்தய வீரர், துப்பாக்கிச்சுடும் வீரர் என பன்முகம் கொண்ட கலைஞர் ஆவார்.

கார் ரேஸ்:

நடிகர் அஜித்குமாருக்கு சிறுவயது முதலே பைக் மற்றும் கார் பந்தயங்களில் மிகுந்த ஆர்வம் உண்டு. திரைப்படங்களில் உச்சநட்சத்திர நடிகராக இருந்தபோதே அவர் ஏராளமான கார் மற்றும் பைக் பந்தயங்களில் பங்கேற்றுள்ளார். பந்தயங்களின்போது விபத்தில் சிக்கிய அவர் அதன்பின்பு நீண்ட காலமாக பங்கேற்காமலே இருந்து வந்தார்.

இந்த நிலையில், சமீபகாலமாக டுகாட்டி, போர்ச்ஸ் போன்ற சொகுசு கார்களை வாங்கிக் குவித்த அஜித் சில நாட்களுக்கு முன்பு அஜித்குமார் ரேஸிங் என்ற அணியை உருவாக்கினார். இந்த அணி துபாயில் அடுத்தாண்டு நடைபெற உள்ள சர்வதேச கார் பந்தயத்தில் பங்கேற்க உள்ளதாக அறிவிப்பு வெளியானது. அந்த அணியின் அதிகாரப்பூர்வ ரேஸ் ஓட்டுநராக பேபியன் டப்பிக்ஸ்வில் இருப்பார் என்றும் அறிவிக்கப்பட்டது.

பந்தய கார்களுடன் அஜித்:

இந்த நிலையில், தனது கார்பந்தய அணியினருடன் அஜித் இருக்கும் புகைப்படம் தற்போது வெளியாகியுள்ளது. கோட், சூட் அணிந்து பில்லா பட கெட்டப்பில் மிகவும் ஸ்டைலாக அஜித் இந்த புகைப்படத்தில் உள்ளார். இந்த புகைப்படத்தை அவரது ரசிகர்கள் மகிழ்ச்சியுடன் பகிர்ந்து வருகின்றனர். அஜித்தின் நடிப்பில் தற்போது விடாமுயற்சி மற்றும் குட் பேட் அக்லி ஆகிய படங்கள் உருவாகி வருகிறது.

மகிழ் திருமேனி இயக்கத்தில் லைகா ப்ரொடக்‌ஷன்ஸ் தயாரித்துள்ள விடாமுயற்சி படத்தின் இறுதிக்கட்ட பணிகள் நடைபெற்று வருகிறது. இந்த படத்தில் சஞ்சய்தத், அர்ஜூன், த்ரிஷா, ஆரவ் உள்ளிட்ட பலரும் நடித்துள்ளனர். குட் பேட் அக்லி படத்தை ஆதிக் ரவிச்சந்திரன் இயக்கி வருகிறார்.  இந்த படத்தில் மாறுபட்ட கேங்ஸ்டர் கதாபாத்திரத்தில் அஜித் நடிக்கிறார்.

உற்சாகத்தில் ரசிகரகள்:

அஜித் நடிக்கும் குட் பேட் அக்லியில் அஜித்தின் மாறுபட்ட புகைப்படங்கள் வெளியாகி அவரது ரசிகர்களை உற்சாகப்படுத்தி வருகிறது. இரு படங்களின் அப்டேட்கள் ஏதும் பெரியளவில் வெளியாகாவிட்டாலும் அஜித்தின் புகைப்படங்கள் தொடர்ந்து வெளியாகி அவரது ரசிகர்களை உற்சாகப்படுத்தி வருகிறது. இந்த நிலையில், அஜித்தின் புதிய புகைப்படங்கள் வெளியாகி அவரது ரசிகர்களை உற்சாகப்படுத்தியுள்ளது.