இந்தியா - தென் ஆப்பிரிக்கா கிரிக்கெட் அணிகள் இடையிலான 4வது மற்றும் கடைசி டி20 கிரிக்கெட் போட்டி இன்று இரவு 8.30 மணிக்கு ஜோகன்னஸ்பர்க்கில் உள்ள வாண்டரர்ஸ் மைதானத்தில் நடைபெறுகிறது.இரு அணிகளுக்கு இடையிலான 4 ஆட்டங்கள் கொண்ட டி20 தொடரில் இந்திய இந்திய அணி 2-1 என முன்னிலை வகிக்கிறது. இந்நிலையில் 4வது மற்றும் கடைசி போட்டி இன்று இரவு 8.30 மணிக்கு ஜோகன்னஸ்பர்க்கில் உள்ள வாண்டரர்ஸ் மைதானத்தில் நடைபெறுகிறது. 

இன்றைய ஆட்டத்தில் இந்திய அணி வெற்றி பெறும் பட்சத்தில் டி20 தொடரை கைப்பற்றும். இதனால் சஞ்சு சாம்சன், சூர்யகுமார் யாதவ், ஹர்திக் பாண்டியா, ரிங்கு சிங் ஆகியோர் பொறுப்புடன் விளையாடி ரன்கள் சேர்க்கும் பட்சத்தில் பேட்டிங் கூடுதல் வலுப்பெறும். 

பந்து வீச்சை பொறுத்தவரையில் 3வது ஆட்டத்தில் இந்திய அணி தடுமாறியது. 219 ரன்களை குவித்த போதிலும் கடைசி வரை போராடியே வெற்றியை வசப்படுத்த முடிந்திருந்தது.

இன்றைய ஆட்டத்தில் இந்திய அணி பந்து வீச்சில் கூடுதல் கவனம் செலுத்தக்கூடும். போட்டி நடைபெறும் வாண்டரர்ஸ் மைதானம் இந்திய அணிக்கு கடந்த காலங்களில் பல்வேறு வெற்றிகளை கொடுத்துள்ளது. 2007ம் ஆண்டு இதே மைதானத்தில் நடைபெற்ற டி20 உலகக் கோப்பை தொடரில் பாகிஸ்தானை வீழ்த்தி இந்திய அணி சாம்பியன் பட்டம் வென்றிருந்தது. கடந்த 2023ம் ஆண்டு இங்கு நடைபெற்ற இருதரப்பு டி20 தொடரில் தென் ஆப்பிரிக்க அணியை இந்தியா வீழ்த்தியிருந்தது.