சென்னை கடற்கரை-தாம்பரம் இடையே பராமரிப்பு பணிகள் நடைபெறுவதால், வரும் 17ஆம் தேதி மின்சார ரயில் சேவை தற்காலிகமாக நிறுத்தப்படும்.

அந்த நாளில் காலை 7 மணி முதல் மாலை 5 மணி வரை ரயில் சேவைகள் இயங்காது என தெற்கு ரயில்வே அறிவித்துள்ளது.

இந்நேரத்தில், கடற்கரை-பல்லாவரம் இடையே பயணிகள் வசதிக்காக சிறப்பு ரயில்கள் இயக்கப்படும்.

இதேவேளை, செங்கல்பட்டு, காஞ்சிபுரம், திருமால்பூர் மற்றும் அரக்கோணம் பகுதிகளுக்கான ரயில்கள் இயல்புப் பட்டியலில் உள்ளபடி இயங்கும் எனவும் அறிவிக்கப்பட்டுள்ளது.

பயணிகள் இந்த மாற்றங்களைக் கவனித்து தங்களின் பயணத் திட்டங்களை அதற்கேற்ப அமைத்துக் கொள்ளும்படி கேட்டுக் கொள்ளப்பட்டுள்ளனர்.