தமிழ் சினிமாவில் பிரபலமான நடிகராக இருப்பவர் சிவகார்த்திகேயன். இவர் நடிப்பில் சமீபத்தில் வெளியான அமரன் திரைப்படம் நல்ல வரவேற்பை பெற்று 200 கோடிக்கும் அதிகமாக வசூல் சாதனை புரிந்து திரையரங்குகளில் வெற்றிகரமாக ஓடி கொண்டிருக்கிது. இந்த படத்தை இயக்குனர் ராஜ்குமார் பெரியசாமி இயக்கி இருந்த நிலையில் கமல்ஹாசன் தயாரித்திருந்தார். இந்த படம் தமிழகத்தைச் சேர்ந்த மேஜர் முகுந்த் வரதராஜனின் உண்மை கதாபாத்திரத்தை மையப்படுத்தி உருவாக்கப்பட்ட திரைப்படமாகும்.

இந்நிலையில் நடிகர் சிவகார்த்திகேயனின் புதிய பட சூட்டிங் ஒன்று இன்று சென்னை பெருங்களத்தூரில் உள்ள மேம்பாலத்தில் படமாக்கப்பட்டது. அப்போது மேம்பாலத்திலிருந்து சிவகார்த்திகேயன் குதிப்பது போன்ற காட்சிகள் படமாக்கப்பட்டது. இதனால் அந்த பகுதியில் போக்குவரத்து நெரிசல் ஏற்பட்டது. மேலும் இது வாகன ஓட்டிகள் மத்தியில் கோபத்தை ஏற்படுத்திய நிலையில் ஷூட்டிங் வேறு ஏதாவது இடத்தில் சென்று வைக்க வேண்டியதுதானே என்று கூறினார்.