மிதிலேஷ் இந்தியாவைச் சேர்ந்த பிரபல யூடியூபர். இவர் லிசா என்ற ரஷ்யப் பெண்ணை மணந்தார், அவர்களுக்கு 2 வயது மகன் உள்ளார். நீண்ட காலத்திற்குப் பிறகு, அவர் தனது மனைவி லிசா மற்றும் இரண்டு  வயது குழந்தையுடன் உதய்பூரில் உள்ள சிட்டி பேலஸுக்குச் சென்றார்.

அப்போது, அடையாளம் தெரியாத ஒருவர் மிதிலேஷின் மனைவியைப் பற்றி சில இழிவான கருத்துக்களைத் தெரிவித்தார். இதனால், கோபமடைந்த மிதிலேஷ், உடனடியாக சிட்டி பேலஸைப் பதிவு செய்து கொண்டிருந்த கேமராவை அடையாளம் தெரியாத நபரை நோக்கித் திருப்பி, கடும் வாக்குவாதத்தில் ஈடுபட்டார். சில நாட்களுக்குப் பிறகு இது குறித்த விரிவான வீடியோவை தனது யூடியூப்பில் வெளியிட்ட மிதிலேஷ், இந்தியாவில் பெண்களின் பாதுகாப்பின் நிலையை விமர்சித்துள்ளார்.

இதை விளக்கி அவர் கூறியதாவது, "நான் உதய்பூரில் உள்ள சிட்டி பேலஸுக்குச் சென்றபோது, ஒரு நபர் என் மனைவியையும் 2 வயது குழந்தையையும் பின்தொடர்ந்தார். பின்னர், அவர் என் மனைவியிடம், " 6000 ரூபாயா?" என்று கேட்டார். நான் உடனடியாக கோபமடைந்து, "நீங்கள் யாரிடம் 6000 ரூபாய் கேட்கிறீர்கள்?" "என் மனைவி ரஷ்யன், அதனால் நீங்கள் ஏதாவது முட்டாள்தனமான வார்த்தைகளைச் சொல்வீர்களா?" என்று கேட்டேன். ” என்றார் அவர்.

இதைத் தொடர்ந்து, மிதிலேஷ் அங்கு இருந்த பாதுகாப்பு அதிகாரியிடம் புகார் அளித்தார். ஆனால் மோசமாகப் பேசிய நபரைக் கண்டிப்பதற்குப் பதிலாக, பாதுகாப்பு காவலர் மிதிலேஷிடம் இந்த விஷயத்தை கைவிடச் சொன்னார். மிதிலேஷ் மேலும் கூறினார், "நான் மிகவும் கோபமாக இருந்தேன்.  மக்கள் எப்படி இப்படி நடந்து கொள்ள முடியும்?.. இது எனக்கு மிகுந்த அதிர்ச்சியையும் அவமானத்தையும் தருகிறது. இந்தியாவில் பயணம் செய்ய வேண்டும் என்ற ஆசையில் என் மனைவியை என்னுடன் அழைத்து வந்தேன்.. ஆனால் இதுபோன்ற சம்பவங்கள் நடந்தால் நான் என்ன செய்வேன்." பெண்களின் பாதுகாப்பை அவர் விமர்சித்தார். இந்த சம்பவத்தின் வீடியோவை மிதிலேஷ் தனது யூடியூப்பில் வெளியிட்டுள்ளார், இது இப்போது இணையத்தில் ஒரு விவாதத்தை உருவாக்கியுள்ளது.

!

 .