தமிழ் சினிமாவில் காதல் திரைப்படங்களை தனக்கே உரிய பாணியில் மிகச் சிறப்பாக இயக்கக் கூடிய இயக்குனர்களில் ஒருவர் இயக்குனர் மணிரத்தினம். இவரின் திரைப்படங்கள் அதிலும் காதல் திரைப்படங்கள் அவ்வளவு சிறப்பாக இருக்கும். காதல் காட்சிகளில் புகுந்து விளையாட கூடிய இயக்குனர் மணிரத்னம். இன்றைய தமிழ் சினிமாவில் பல காதல் திரைப்படங்கள் வெளியாகி ரசிகர்களுக்கு நெருக்கமாக அமைந்திருக்கலாம்.

ஆனால் எத்தனை வருடங்கள் ஆனாலும் 90'ஸ் கிட்ஸ் தொடங்கி 2k கிட்ஸ் வரை அனைவருக்கும் மனதில் ஒரு தாக்கத்தை ஏற்படுத்தக்கூடிய திரைப்படம் என்றால் அது அலைபாயுதே திரைப்படம் தான். இயக்குனர் மணிரத்தினம் இயக்கத்தில் கடந்த 2000 ஆண்டு பிப்ரவரி 14-ஆம் தேதி காதலர் தினத்தை முன்னிட்டு வெளியான திரைப்படம் அலைபாயுதே. இந்த திரைப்படம் வெளியாகி மிகப்பெரிய வெற்றியை பெற்றது.

தற்போது வரை அனைவராலும் ரசித்து பார்க்கக்கூடிய ஒரு திரைப்படமாக அமைந்திருக்கின்றது. இந்த திரைப்படத்தில் மாதவன், ஷாலினி, விவேக் உள்ளிட்ட ஏராளமான பிரபலங்கள் நடித்திருந்தார்கள். இந்த திரைப்படத்தை இயக்குனர் மணிரத்தினம் மெட்ராஸ் டாக்கீஸ் நிறுவனம் சார்பாக தயாரித்திருந்தார். மேலும் ஏ ஆர் ரகுமான் இந்த திரைப்படத்திற்கு இசையமைத்திருந்தார். இந்த படத்தின் மற்றொரு சிறப்பு என்றால் ஏ ஆர் ரகுமானை கூறலாம்.

படத்திலிருந்து பாடல்கள், பின்னணி இசை அனைத்துமே படத்திற்கு மிகப்பெரிய உயிரோட்டத்தை கொடுத்தது. கிராமத்தில் நடக்கும் ஒரு திருமணத்திற்கு நடிகை ஷாலினி சென்றபோது அங்கு நடிகர் மாதவனை சந்திக்கின்றார். அதன்பிறகு ரயிலில் பயணிக்கும் போது தான் இருவரும் ஒரே ஊரை சேர்ந்தவர்கள் என்பது தெரிய வருகின்றது. பின்னர் இருவரும் ஒருவரை ஒருவர் காதலித்து திருமணம் செய்து கொள்கிறார்கள்.

அக்கா திருமணம் முடியும் முன்பு தங்கை திருமணம் செய்து கொண்டது தெரிந்தால் அக்காவுக்கு திருமணம் ஆகாது என்பதற்காக தனது திருமணத்தை மறைத்து தனித்தனியாக அவரது வீட்டில் வாழ்ந்து வருகிறார்கள். பின்னர் ஒரு கட்டத்தில் திருமணம் தொடர்பான விஷயம் வீட்டில் தெரிய வர இருவரும் வீட்டை விட்டு வெளியேறி தனியாக வசித்து வருகிறார்கள்.

அப்போது இருவருக்கும் மனக்கசப்பு ஏற்பட்டு பிரியும் போது ஷாலினிக்கு விபத்து ஏற்பட இருவரும் மீண்டும் சேர்ந்து விடுகிறார்கள். இந்த திரைப்படம் வெளியாகி கிட்டத்தட்ட 25 ஆண்டுகளான நிலையில் தற்போதும் ரசிகர்கள் மத்தியில் நீங்கா இடம் பிடித்திருக்கின்றது. இந்நிலையில் இந்த திரைப்படம் குறித்து இயக்குனர் மணிரத்தினம் சமீபத்திய பேட்டியில் பேசியிருக்கின்றார்.

அதில் அவர் தெரிவித்திருந்ததாவது 'அலைபாயுதே திரைப்படத்தில் முதலில் நடிக்க இருந்தது ஷாருக்கான் மற்றும் கஜோல் தான். இவர்கள் இருவரையும் வைத்து தான் கதையை திட்டமிட்டு இருந்தோம். கதை ஷாருக்கானுக்கு மிகவும் பிடித்திருந்தாலும் படத்தின் கிளைமேக்ஸ் எப்படி இருக்க வேண்டும் என்பதை நான் தயார் செய்யவில்லை.

அதனை தொடர்ந்து அலைபாயுதே திரைப்படத்தை எடுக்காமல் கஜோல் மற்றும் ஷாருக்கான் வைத்து தில் சே என்ற திரைப்படத்தை இயக்கினேன். மீண்டும் இவர்கள் இருவரையும் வைத்து அலைபாயுதே படத்தை எடுக்க வேண்டாம் என்பதற்காக ஷாலினி மாதவனை வைத்து படத்தை இயக்கினேன். இப்படம் தமிழில் மிகப்பெரிய வெற்றிப் படம்' என்று அந்த பேட்டியில் மனம் திறந்து பேசி இருந்தார்.