இந்த ஆண்டு இறுதிக்குள் 8வது ஊதியக் குழு அறிக்கை தாக்கல் செய்யும் என அரசு அறிவித்துள்ள நிலையில், மத்திய அரசு ஊழியர்களின் சம்பள உயர்வு குறித்த ஊகங்கள் நடந்து வருகின்றன. சமீபத்திய அறிக்கைகளின்படி, 186 சதவிகிதம் அதிகரிக்கும் சம்பள உயர்வுக்கு எதிராக ஊழியர்கள் 10 சதவிகிதம் முதல் 30 சதவிகிதம் வரை சம்பள உயர்வைக் காண வாய்ப்புள்ளது.1 ஜனவரி 2025 அன்று பிரதமர் நரேந்திர மோடி தலைமையிலான மத்திய அமைச்சரவை கிட்டத்தட்ட 50 லட்சம் மத்திய அரசு ஊழியர்களின் சம்பளம் மற்றும் 65 லட்சம் ஓய்வூதியதாரர்களின் கொடுப்பனவுகளை திருத்த 8வது ஊதியக் குழுவை அமைக்க ஒப்புதல் அளித்தது.ஊடக அறிக்கைகளின்படி, ஊதியக் குழு 1.92 முதல் 2.86 வரையிலான ஃபிட்மெண்ட் காரணியை அடிப்படையாகக் கொண்டதாக இருக்கலாம் எனக் கூறுகின்றன. அப்படி இந்த பரிந்துரைக்கப்பட்ட 2.86 ஃபிட்மென்ட்க்கு கிரீன் சிக்னல் வழங்கப்பட்டால், அரசு ஊழியரின் குறைந்தபட்ச அடிப்படை சம்பளம் மாதம் ரூ.18,000லிருந்து ரூ.51,480 ஆக உயரும். அதே காரணியின் அடிப்படையில் குறைந்தபட்ச ஓய்வூதியம் தற்போது 9,000 ரூபாயில் இருந்து 25,740 ரூபாயாக உயரும்.8வது சம்பளக் குழுவில் ஃபிட்மென்ட் ஃபாக்டர் 2.57 இலிருந்து 2.86 ஆக அதிகரித்தால், ஊழியர்களின் கிராஜுவிட்டி தொகை ரூ.12.56 லட்சத்தை எட்டக்கூடும். இது அரசு ஊழியர்களின் பணி ஓய்வு காலத்தில் மிகப்பெரிய நிவாரணமாக அமையும்.தற்போதைய பொருளாதார நிலை, பணவீக்கம் மற்றும் விலைவாசி விகிதத்தின் அடிப்படையில் அரசு ஊழியர்களின் சம்பளம் மற்றும் ஓய்வூதியங்களை மதிப்பிடுவதே 8வது ஊதியக் குழுவின் முக்கிய நோக்கமாகும். அதன்படி பார்த்தால் 8வது ஊதியக் குழு மத்திய அரசு ஊழியர்களின் சம்பளத்தை 25% முதல் 35% வரை அதிகரிக்கும் என்று எதிர்பார்க்கப்படுகிறது. தற்போது அமலில் இருக்கும் 7வது ஊதியக்குழு 2016 ஆம் ஆண்டு அமலுக்கு வந்தது. இதில் குறைந்தபட்ச ஊதியம் மாதம் ரூ.18,000 ஆக உயர்த்தப்பட்டது. அதிகபட்ச ஊதியம் மாதத்திற்கு ரூ.2,50,000 ஆக இருந்தது. இதில் கிரேட் ஊதிய முறைக்கு பதிலாக, கொடுப்பனவுகள் மற்றும் பணி-வாழ்க்கை சமநிலையில் கவனம் செலுத்தப்பட்டு புதிய ஊதிய அமைப்பு பரிந்துரைக்கப்பட்டது.ஆனாலும் இந்த 8வது ஊதியக்குழு குறித்த செய்திகள் அனைத்தும் செய்தி ஊடகங்களில் வெளியான ஊகங்களே தவிர உறுதியானது இல்லை. அதனால் இதை அடிப்படையாக வைத்து எவ்வித முடிவிற்கு வர வேண்டாம்.