இலங்கையில் தமிழீழ விடுதலைப் புலிகளுக்கும் (LTTE) சிங்கள இராணுவத்திற்கும் இடையிலான உள்நாட்டுப் போர் தொடங்கிய 1980 களில் இருந்து, இராணுவ நோக்கங்களுக்காக அரசாங்கம் தமிழர்களிடமிருந்து நிலங்களைக் கையகப்படுத்தி வருகிறது. குறிப்பாக, தமிழ் மக்கள் அதிகம் வசிக்கும் யாழ்ப்பாண நகரில் 3,500 ஏக்கருக்கும் அதிகமான நிலங்களை அரசாங்கம் கையகப்படுத்தியது.

2009 இல் போர் முடிவடைந்த பின்னர், கையகப்படுத்தப்பட்ட நிலங்களில் சில 2015 இல் அதன் உரிமையாளர்களிடம் ஒப்படைக்கப்பட்டன. இருப்பினும், தமிழ் மக்களுக்குச் சொந்தமான பல ஆயிரம் ஏக்கர் நிலங்கள் இன்னும் அரசாங்கத்தின் கைகளில் உள்ளன. இந்த நிலையில், அனுரா குமார திசநாயக்க நேற்று இலங்கை அதிபராகப் பதவியேற்ற பிறகு முதல் முறையாக யாழ்ப்பாண நகருக்கு விஜயம் செய்தார்.

அங்கு, யாழ்ப்பாண மக்கள் எதிர்கொள்ளும் பிரச்சினைகள் குறித்து யாழ்ப்பாண மாவட்டச் செயலகத்தில் பல்வேறு பிரதிநிதிகளுடன் ஆலோசனை நடத்தினார். அப்போது, இராணுவத்தால் கைப்பற்றப்பட்ட வடக்குத் தமிழர்களின் நிலங்கள் விரைவில் முழுமையாக அவர்களிடம் திருப்பித் தரப்படும் என்று அவர் உறுதியளித்தார். நிலங்களை ஒப்படைக்கும் பணியை விரைவுபடுத்த நடவடிக்கைகள் எடுக்கப்பட்டு வருவதாக அவர் கூறினார்.