शिवसेना (ठाकरे गट)च्या उपनेत्या शुभांगी पाटील यांनी उद्धव ठाकरे आणि राज ठाकरे हे दोघेही पुन्हा एकत्र यावेत, अशी प्रार्थना करत लोणावळ्यातील प्रसिद्ध एकविरा देवीच्या दर्शनाला जाऊन देवीला साकडं घातलं आहे.

नाशिकमध्ये पुन्हा एकदा आग लागण्याची घटना समोर आली आहे.

पेठ रोडवरील एसटी वर्कशॉपमध्ये आग लागल्याने खळबळ उडाली आहे.

वर्कशॉपमध्ये साठवलेल्या स्क्रॅप मटेरियलने पेट घेतल्याची माहिती आहे, मात्र आगीचे नेमके कारण अजून स्पष्ट झालेले नाही.

आग आटोक्यात आणण्यासाठी अग्निशमन दलाचे दोन बंब घटनास्थळी दाखल झाले असून जवान आग विझवण्यासाठी प्रयत्नशील आहेत.

आगीमुळे परिसरात मोठ्या प्रमाणात धुराचे लोट पसरले असून त्यामुळे स्थानिकांमध्ये भीतीचं वातावरण निर्माण झालं आहे.

धाड येथील अमर डेरीचा दूध वाहतूक करणारा ट्रक एअर ब्रेक फेल झाल्यामुळे मलकापूर रोडवरील राजूर घाटातजवळ दुधाचा ट्रक पलटी झालाय. सुदैवाने ट्रक डाव्या बाजूला पलटी झाल्यामुळे मोठी हानी टळली. ड्रायव्हर व क्लिनर हे दोघे गंभीर जखमी झाले आहेत. सुदैवाने जीवित हानी टळली आहे. पोलिसांनी तातडीने जखमींना जिल्हा सामान्य रुग्णाल्यात भरती केले आहे.

कल्याण पूर्व पुना लिंक रोडवर विजय नगर परिसरात डंपर चालकाचे डंपरवरील नियंत्रण सुटल्याने डंपर डिव्हायडर वर चढला. ब्रेक फेल झाल्याने हा अपघात झाल्याची प्राथमिक माहिती आहे. सुदैवाने आज रविवार असल्याने या रस्त्यावर दुपारच्या सुमारास वर्दळ कमी होती. त्यामुळे कोणतेही जीवित अथवा वित्तहानी झाली नाही. पोलिसांनी घटनास्थळी धाव घेत चालकाला ताब्यात घेत तपास सुरू केला आहे .

खराब हवामान आणि झोजिला दर्र्यावर बर्फ साचल्यामुळे श्रीनगर-सोनमार्ग-गुमरी मार्ग दुसऱ्या दिवशीही बंद

- अर्जुन बाबुताने पेरूमध्ये झालेल्या ISSF वर्ल्ड कपमध्ये रौप्य पदक जिंकले!

- अर्जुन बाबुताने २०२५ शूटिंग वर्ल्ड कपमध्ये लिमा, पेरू येथे पुरुषांच्या १० मीटर एअर रायफल स्पर्धेत रौप्य पदक जिंकले.

अमेरिकेचे उपराष्ट्रपती चार दिवसांच्या भारत दौर्यावर उद्या नवी दिल्लीत दाखल होणार ही त्यांची पहिली भारत यात्रा असेल.

उपराष्ट्रपती वेंस उद्या पंतप्रधान यांची भेट घेतील. ते जयपूर आणि आग्रालाही भेट देतील. दोन्ही देश आपापसातील संबंधांतील प्रगतीचा आढावा घेतील.

भारतीय जनता पार्टीने सांगितले आहे की, सर्वोच्च न्यायालय आणि भारताच्या मुख्य न्यायाधीशांबद्दल पार्टीचे खासदार निशिकांत दुबे आणि दिनेश शर्मा यांच्या टिपण्ण्यांना स्वीकारार्ह ठरवले जात नाही.

आज आनंदाचा दिवस असून पिंक ई-रिक्षा वाटप योजना महायुती सरकारने सुरू केली आहे. नागपूर शहरातून 1100 हून अधिक पात्र अर्ज प्राप्त झालेत आहेत. महिलांना रोजगार निर्माण व्हावा याकरिता ही योजना आणली आहे. या महिलांना दहा दिवसांची ट्रेनिंग मिळणार असून आज पहिला टप्पा नागपूर उद्या पुण्यात कार्यक्रम असेल, अशी माहिती मंत्री आदिती तटकरे यांनी दिली.

मुख्यमंत्री देवेंद्र फडणवीस यांच्या हस्ते महिलांना पिंक ई रिक्षा वाटप होणार आहे. महिला व बालविकास विभागामार्फत मार्फत महाराष्ट्रातील गरजू महिलाना पिंक ई रिक्षा वाटप करण्यात येणार असून या योजने अंतर्गत शासनाकडून 20 टक्के अनुदान दिले जाणार आहे. राज्यात एकूण 8 जिल्ह्यात दहा हजार पिंक ई रिक्षा वाटप केले जाणार आहे. पुणे, नाशिक, नागपूर, संभाजी नगर, सोलापूर, कोल्हापूर, अहिल्यानगर अमरावती या आठ जिल्ह्यात वाटप केले जाणार आहे.

राष्ट्रवादी काँग्रेस अजित पवार पक्षाची नाशिकची बैठक रद्द झाली आहे. अजित पवार आणि छगन भुजबळांच्या उपस्थितीत ही बैठक होणार होती. अजित पवारांचा दौरा रद्द झाल्याने भुजबळांनी देखिल बैठकीला न येण्याचा निर्णय घेतल्याने बैठकच रद्द करण्यात आल्याची माहिती आहे.

मनसेचे नेते राज ठाकरे आणि बाळासाहेब उद्धव ठाकरे सेनेचे प्रमुख उद्धव ठाकरे पुन्हा एकत्र येण्याची चर्चा सुरू झाली आहे. या चर्चेवर शिवसेनेचे केंद्रीय राज्यमंत्री प्रताप जाधव यांनी राज-उद्धव एकत्र येणार असतील तर आम्हाला त्याचा आनंद असल्याचे मत व्यक्त केले आहे. "महायुती सक्षम आहे. आमचे विचार आणि काम तळागाळापर्यंत आहे. लोकांमध्ये संपर्क आहे. असे किती ही लोक एकत्र आले तर त्यांचा महायुतीवर कोणताही परिणाम होणार नाही. राज्यातील सर्व महानगर पालिकेच्या निवडणुका आम्ही महायुती म्हणून निश्चितच जिंकू" असं ते म्हणाले.

नागपूर देशातील सर्वाधिक तापमान असल्याचं शहर ठरलं आहे. नागपूरचं तापमान ४४.७ अंश सेल्सिअसवर पोहचले. शनिवारी सगळ्यात अधिक तापमान नागपूरमध्ये नोंदवलं गेलं आहे.

घर बांधायला व गाडी घ्यायला ८० हजार रुपये व रिक्षा घेण्यासाठी एक लाख रुपये माहेरवरून घेऊन ये म्हणून छळ केल्याची फिर्याद पद्मिनी रामदास कोळेकर (वय ३८, रा. रोहिणीनगर, भाग ३, जुळे सोलापूर) यांनी विजापूर नाका पोलिसात दिली. यामुळे पतीसह सासू-सासरे,दीर आणि नणंदेवर गुन्हा दाखक झाला आहे.

- उपमुख्यमंत्री अजित पवार यांचा नाशिक दौरा रद्द

- हेलिकॉप्टर मध्ये तांत्रिक बिघाड झाल्याने अजित पवारांचा दौरा रद्द

- माजी खासदार समीर भुजबळ यांची माहिती

राज ठाकरेंंच्या एकत्र येण्याचा प्रस्तावाला प्रतिसाद देताना उद्धव ठाकरेंनी काही अटी घातल्या होत्या. त्यावरून उदय सामंत यांनी उद्धव ठाकरेंना लक्ष्य केलं आहे. अटी घालून राजकारण होतं का? असा सवाल त्यांनी विचारला आहे.

रोजगार हमी मंत्री भरत गोगावले हे सोलापूर दौऱ्यावर असताना त्यांच्या समोरच शिवसेनेतील दोन गट एकमेकांना भिडले.यामध्ये शिवसेना जिल्हा प्रमुख मनीष काळजे आणि शिवसेनेचे माजी नगरसेवक मनोज शेजवाल या दोन गटात हा राडा झाला.शेवटी या दोन गटात मध्यस्थी करत मंत्री भरत गोगावले यांना हा राडा थांबवावा लागला. याप्रकरणी सोलापुरातील सदर बाजार पोलीस ठाण्यात हा गुन्हा दाखल करण्यात आला आहे.

मध्य रेल्वेवर नियोजित मेगाब्लॉकमुळे रविवारी काही महत्त्वाच्या मार्गांवर रेल्वेसेवा प्रभावित होणार आहे. रेल्वे प्रशासनाने प्रवाशांना पर्यायी प्रवासाची योजना आखण्याचा सल्ला दिला आहे. या कामादरम्यान सिग्नल यंत्रणा, ट्रॅक देखभाल व विद्युत कामे केली जाणार आहेत. प्रवाशांनी वेळेचा अपव्यय टाळण्यासाठी आणि गैरसोयीपासून बचाव करण्यासाठी रेल्वेच्या अधिकृत संकेतस्थळावर किंवा अॅपवर तपशील पाहूनच प्रवास करावा, असे आवाहन करण्यात आले आहे.

नाशिकच्या राष्ट्रवादीच्या कार्यालयाबाहेर छगन भुजबळांसाठी बॅनरबाजी करण्यात आली.

नागपूरच्या भांडेवाडी डम्पिंग यार्डमध्ये शहरातील संपूर्ण कचरा साठवला जातो आणि याच कचऱ्याला काल दुपारी लागलेल्या आगीमुळे मोठा धोका निर्माण झाला आहे. या ठिकाणी मोठ्या प्रमाणात कचरा असल्याने आगीने धगधगत स्वरूप घेतले असून, आगीवर नियंत्रण मिळविल्याचे जरी सांगण्यात येत असले तरी अजूनही कचऱ्यातून धूर सतत निघत आहे. रात्रभर अग्निशमन दलाने अथक प्रयत्न करून आगीवर नियंत्रण मिळवण्याचा प्रयत्न केला. या पार्श्वभूमीवर प्रशासनाने हालचाली सुरू केल्या असून आगीवर पूर्णपणे नियंत्रण मिळविण्यासाठी प्रयत्न सुरू आहेत. या घटनेच्या पार्श्वभूमीवर सर्व वरिष्ठ अधिकारी सतर्क झाले असून, महाराष्ट्राचे मुख्यमंत्री एकनाथ शिंदे यांनीसुद्धा या आगीबाबतची माहिती घेतली आहे.