சென்னை: பன்முகத் திறமை கொண்ட அரசியல்வாதிகளும், திரையுலக நட்சத்திரங்களுமான நான்கு தமிழக முதல்வர்கள் ஒரே திரைப்படத்தில் நடித்திருக்கிறார்கள் என்ற செய்தி ஏராளமானருக்கு தெரியாமல் இருக்கலாம். அவர்கள் யாரென்று பார்த்தால் – அண்ணாதுரை, கலைஞர் கருணாநிதி, எம்.ஜி.ஆர் மற்றும் ஜெயலலிதா. இந்த நான்கு பேரும் நடித்த ஒரே திரைப்படம் தான் 'எங்கள் தங்கம்'.

மல்டி-ஸ்டார் படத்தின் பூர்வீகம் 1970-ல்:

இன்றைய காலக்கட்டத்தில் பான் இந்தியா திரைப்படங்கள் என்றால், பல நடிகர்கள் இணைந்து நடிக்கிறார்கள். ஆனால், இதற்குப் முன்னோடியாகவே 1970-ல் வெளியாகிய 'எங்கள் தங்கம்' திரைப்படம் உண்மையான மல்டி ஸ்டாரர் படமாக இருந்தது. இத்திரைப்படத்தை இயக்கியது கிருஷ்ணன் – பஞ்சு இயக்குநர் ஜோடி.

படத்தின் முக்கிய அம்சங்கள்:

• கதையின் நாயகனாக எம்.ஜி.ஆர், நாயகியாக ஜெயலலிதா நடித்துள்ளனர்.

• தயாரிப்பு: முரசொலி மாறன்

• இசை: எம்.எஸ். விஸ்வநாதன்

• பாடல்கள் அனைத்தையும்: டி.எம். சௌந்தர்ராஜன் பாடியுள்ளார்.

• பாடல்கள் எழுதியது: கவிஞர் வாலி

அண்ணா மற்றும் கருணாநிதி சிறப்பு தோற்றம்:

இந்தப் படத்தின் கிளைமாக்ஸ் பகுதியில் அண்ணா மற்றும் கருணாநிதி சிறப்பு தோற்றத்தில் நடித்துள்ளனர். இவர்களும் பின்னாளில் தமிழ்நாட்டின் முதல்வராக இருந்தவர்கள் என்பது குறிப்பிடத்தக்கது.

படத்தின் முக்கிய சாதனைகள்:

• 1970 அக்டோபர் மாதம் திரைக்கு வந்த படம்.

• 100 நாட்களுக்கு மேல் ஓடிய வெற்றி படம்

• மூன்று தமிழக அரசு விருதுகள் பெற்ற படம்

• எம்.ஜி.ஆர், ஜெயலலிதா – சம்பளமின்றி நடித்தனர்

'நான் செத்து பிழைச்சவன் டா' – அரசியல் பின்னணி கொண்ட பாடல்:

படத்தில் இடம்பெற்ற "நான் செத்து பிழைச்சவன் டா" என்ற பாடல், 1967-ல் எம்.ஜி.ஆர் மீது எம்.ஆர்.ராதா மேற்கொண்ட துப்பாக்கி சூட்டு சம்பவத்தை அடிப்படையாக கொண்டு எழுதப்பட்டது. இந்தப் பாடலை கவிஞர் வாலி எழுதி, எம்எஸ் விஸ்வநாதன் இசையமைத்தார்.

'எங்கள் தங்கம்' திரைப்படம் என்பது வெறும் ஒரு சினிமா அல்ல. அரசியலும், திரையுலகமும் இணையும்போது உருவாகும் வரலாற்றுச் சிறப்புமிக்க படமாக இது திகழ்கிறது. தமிழ்நாட்டை ஆட்சி செய்த நான்கு தலமைகளை ஒரே திரையில் காணும் வாய்ப்பு இதுவே முதன்மையும், ஒருமையும் வாய்ந்த படம் ஆகும்.