रविवारी झालेल्या सामन्यात २३७ धावांच्या लक्ष्याचा पाठलाग करताना लखनौची सुरुवात अत्यंत खराब झाली होती. लखनौने ५ षटकांच्या आतच मिचेल मार्श (०), एडेन मार्करम (१३) आणि निकोलस पूरन (६) हे तिन्ही फॉर्ममध्ये असलेले खेळाडू झटपट बाद झाले. या तिघांनाही अर्शदीप सिंगने बाद करत लखनौला मोठा धक्का दिला होता.

नंतर कर्णधार रिषभ पंतने आयुष बडोनीसह डाव सावरण्याचा प्रयत्न केला. पण रिषभ पंतही १८ धावा करून अझमतुल्ला ओमरझाईच्या गोलंदाजीवर शशांक सिंगकडे झेल देत बाद झाला. डेव्हिड मिलरलाही अझमतुल्लाने फार काळ टिकू दिलं नाही. त्याचाही झेल ११ धावांवर शशांक सिंगने घेतला.

पण नंतर अब्दुल सामदने बडोनीला चांगली साथ दिली. या दोघांनी अर्धशतकी भागीदारी केली. सामदने आक्रमक खेळही केला. पण आधी विकेट्स गमावलेल्या असल्याने लखनौसाठी लक्ष्य दूर होते. तरी सामद आणि बडोनीच्या भागीदारीमुळे लखनौने १५० धावांचा टप्पा पार केला होता. पण १७ व्या षटकात सामदला ४५ धावांवर मार्को यान्सिनने त्याच्या गोलंदाजीवरच झेल घेत बाद केले. तरी बडोनी आक्रमक खेळत होता. त्याने अर्धशतकही केले.

पण तोही शेवटच्या षटकात बाद झाला. त्याने ४० चेंडूत ५ चौकार आणि ५ षटकारांसह ७४ धावांची खेळी केली. शेवटी पंजाब किंग्सला १९९ धावांपर्यंतच पोहचला आले. आवेश खान १० चेंडूत १९ धावांवर नाबाद राहिला. प्रिन्स यादव १ धावेवर नाबाद राहिला.

पंबाजकडून अर्शदीप सिंगने सर्वाधिक ३ विकेट्स घेतल्या. अझमतुल्ला ओमरझाईने २ विकेट्स घेतल्या. मार्को यान्सिन आणि युझवेंद्र चहल यांनी प्रत्येकी १ विकेट घेतली.