पाकच्या हल्ल्यामुळे पुंछमध्ये मोठ्या प्रमाणात नुकसान : अब्दुल्ला Nagpur Live : केरळच्या नक्षल समर्थक तरुणाला नागपूरमधून अटक
केरळच्या नक्षल समर्थक तरुणाला नागपूरमधून अटक करण्यात आली आहे
CM Fadnavis Live : मुख्यमंत्री देवेंद्र फडणवीस यांनी राज्याच्या सुरक्षेचा आढावा घेतलामुख्यमंत्री देवेंद्र फडणवीस यांनी आजच्या बैठकीत राज्याच्या सुरक्षेचा आढावा घेतला
Live: पुण्यात वास्तव्यास असलेल्या तरुणीकडून पाकिस्तान जिंदाबादच्या घोषणा?पुणे ब्रेकिंग
पुण्यात वास्तव्यास असलेल्या तरुणीकडून पाकिस्तान जिंदाबादच्या घोषणा?
सोशल मीडियावर पोस्ट व्हायरल
सकल हिंदू समाज ने X वर पोस्ट करत दिली या संदर्भात माहिती
कोंढवा पोलिस ठाण्यात गुन्हा दाखल करण्याची प्रक्रिया सुरू
Live : आठवडाभरासाठी आयपीएल स्थगितभारत आणि पाकिस्तान यांच्यातील तणावाच्या वातावरणात आयपीएल स्थगित करण्याचा निर्णय घेण्यात आला आहे. थोड्याच दिवसात नवीन वेळापत्रक आणि ठिकाणाची घोषणा केली जाणार आहे.
Live : संरक्षण मंत्री राजनाथ सिंह यांचा लखनौ दौरा पुढे ढकललाभारत आणि पाकिस्तानमध्ये युद्धजन्य परिस्थितीमुळे संरक्षण मंत्री राजनाथ सिंह यांचा लखनौ दौरा पुढे ढकलला. संरक्षणमंत्र्यांनी आज तिन्ही लष्कर प्रमुखांसोबत बैठकही घेतली
Indigo Airplane Live: भारत-पाकिस्तानमधील परिस्थिती लक्षात घेता इंडिगोने उड्डाण केले रद्दभारत आणि पाकिस्तानमधील ताज्या परिस्थिती लक्षात घेता, इंडिगो एअरलाइन्सने श्रीनगर, जम्मू, लेह, अमृतसर, चंदीगड, धर्मशाला, बिकानेर, जोधपूर, किशनगड, राजकोट येथे जाणाऱ्या आणि येणाऱ्या विमान सेवा 10 मे पर्यंत रद्द केल्या आहेत.
India Pakistan War: परराष्ट्र मंत्रालयाची संध्याकाळी साडे पाच वाजता पत्रकार परिषदभारत-पाकिस्तान यांच्यातील तणावाच्या स्थिती दरम्यान महत्त्वाची अपडेट समोर आली आहे. परराष्ट्र मंत्रालयाची संध्याकाळी साडे पाच वाजता पत्रकार परिषद होणार आहे. या पत्रकार परिषदेकडे साऱ्या देशाचं लक्ष असणार आहे.
Jammu Kashmir Live: जम्मू काश्मीरचे मुख्यमंत्री ओमर अब्दुल्ला जखमी नागरिकांच्या भेटीलाभारत पाकिस्तान युद्ध पार्शवभूमीवर जम्मू काश्मीरचे मुख्यमंत्री ओमर अब्दुल्ला यांनी जखमी नागरिकांची भेट घेतली आहे. जम्मू मधील सरकारी रुग्णालयात जखमींवर उपचार केले जात आहेत.
Delhi Live: भारत-पाकिस्तान तणाव वाढला; दिल्लीत सुरक्षा व्यवस्था कडकभारत आणि पाकिस्तानमधील वाढत्या तणावाच्या पार्श्वभूमीवर, दिल्लीतील सुरक्षा यंत्रणा अलर्ट मोडवर आहेत. शुक्रवारी राजधानीतील महत्त्वाच्या ठिकाणी सुरक्षा अधिक कडक करण्यात आली.
सरकारी इमारती, सांडपाणी प्रक्रिया केंद्रे, जलशुद्धीकरण प्रकल्प, न्यायालये आणि परदेशी दूतावास यांसारख्या संवेदनशील ठिकाणी विशेष बंदोबस्त तैनात करण्यात आला आहे.
तसेच, बाजारपेठा, रेल्वे आणि मेट्रो स्थानके, मॉल्स, उद्याने अशा गर्दीच्या ठिकाणीही पोलिसांनी सुरक्षा वाढवली आहे.
चंदीगडमध्ये हवाई हल्ल्याचा धोका; सायरन पुन्हा सुरू!काल रात्रीपासून सीमेलगत ठिकाणी बरेच हवाई हल्ले झाले. त्यानंतर आता पुन्हा चंदीगडमध्ये हवाई हल्ल्याचा संभाव्या धोका जाणवू लागल्यामुळे पुन्हा सायरन वाजवले जात आहेत.
Pune Live: कोथरुडमध्ये अवकाळी पाऊसपुण्यात काही ठिकाणी अवकाळी पावसाने हजेरी लावली असून कात्रजसह कोथरूडमध्येही पाऊस
J. P. Nadda Live update: केंद्रीय आरोग्य मंत्री जे.पी. नड्डा आरोग्य मंत्रालयाच्या वरिष्ठ अधिकाऱ्यांसोबत बैठक घेणारकेंद्रीय आरोग्य मंत्री जे.पी. नड्डा आरोग्य मंत्रालयाच्या वरिष्ठ अधिकाऱ्यांसोबत आरोग्य पायाभूत सुविधा आणि आरोग्य आपत्कालीन तयारीबाबत आढावा बैठक घेणार आहेत
पाकिस्तान सीमेपलीकडून गोळीबार सुरू, जम्मू-काश्मीरमधील एका सीमावर्ती शहरातील स्थानिकांचा एक गट सुरक्षित ठिकाणी स्थलांतरित
"पाकिस्तान सतत नापाक कारवाया करत आहे. भारत यावर गप्प बसणार नाही आणि पाकिस्तानला कठोर धडा शिकवेल... - अरुण साओछत्तीसगडचे उपमुख्यमंत्री अरुण साओ म्हणतात, "पाकिस्तान सतत नापाक कारवाया करत आहे. भारत यावर गप्प बसणार नाही आणि पाकिस्तानला कठोर धडा शिकवेल... भारताचे सैन्य मजबूत आहे. पंतप्रधान नरेंद्र मोदी यांच्या नेतृत्वाखाली देशात एक निर्णायक, सक्षम आणि मजबूत सरकार आहे..."
जम्मू-कश्मीरचे उपराज्यपाल मनोज सिन्हा उरीमध्ये सैनिकांशी भेट घेणारजम्मू-कश्मीरचे उपराज्यपाल मनोज सिन्हा हे आज उरीच्या दौऱ्यावर असून, तेथील सुरक्षा परिस्थितीचा आढावा घेण्यासाठी आणि सीमावर्ती भागात तैनात असलेल्या भारतीय लष्कराच्या जवानांशी संवाद साधण्यासाठी जात आहेत. अलीकडील काळात नियंत्रण रेषेजवळ वाढलेल्या घुसखोरीच्या घटनांच्या पार्श्वभूमीवर त्यांचा हा दौरा अत्यंत महत्त्वाचा मानला जात आहे. उपराज्यपाल मनोज सिन्हा हे लष्करी अधिकाऱ्यांकडून प्रत्यक्ष जमिनीवरील परिस्थितीची माहिती घेणार असून, सुरक्षा उपाययोजनांचा आढावा घेतले जाईल. यावेळी ते जवानांचे मनोबल वाढवण्यासाठी त्यांच्याशी थेट संवाद साधणार आहेत.
Uttarakhand Live: उत्तराखंडातील रुग्णालयांना सतर्कतेचे निर्देशउत्तराखंड सरकारने राज्यातील सर्व रुग्णालयांना उच्च सतर्कतेवर राहण्याचे आदेश दिले आहेत. रुग्णालयातील डॉक्टर आणि कर्मचाऱ्यांच्या रजा रद्द करण्यात आल्या आहेत. केंद्रीय आरोग्य मंत्रालयाच्या सूचनांनंतर, उत्तराखंडचे आरोग्य सचिव डॉ. आर. राजेश कुमार यांनी आवश्यक मार्गदर्शक सूचना जारी केल्या असून, राज्यातील सर्व रुग्णालयांमध्ये १२,००० खाटांची व्यवस्था राखण्यास सांगितले आहे. तसेच, सर्व आयसीयू आणि व्हेंटिलेटर्स सज्ज ठेवण्याचे आदेश देण्यात आले आहेत.
Jammu Kashmir Live : जम्मू काश्मीरचे मुख्यमंत्री ओमर अब्दुल्ला जम्मूकडे रवानाजम्मू काश्मीरमध्ये सध्या भीतीचे वतावरण आहे. जम्मू काश्मीरचे मुख्यमंत्रओमर अब्दुल्ला उद्दामपूर मार्गे जम्मूकडे रवाना झाले आहेत.
Nagpur Live : भारतीय सैन्यविरोधात गरड ओकणाऱ्या तरुणाला नागपुरातून अटक..सोशल मीडियाच्या माध्यमातून भारतीय सैन्यविरोधात गरड ओकणाऱ्या नक्षल समर्थक तरुणाला नागपुरातील एका हॉटेलमधून अटक करण्यात आली.
India Pakistan War Live : देशातील अनेक ठिकाणी शाळांना सुट्ट्याभारत पाकिस्तानमधील तणावाच्या पार्श्वभूमीवर अनेक ठिकाणी शाळा बंद ठेवण्याचा निर्णय घेतला आहे. विद्यार्थ्यांच्या सुरक्षेसाठी हा निर्णय घेण्यात आला आहे.
भारत पाकिस्तान तणावाच्या पार्श्वभूमीवर महत्त्वाचा निर्णय घेण्यात आला आहे. आता पीएसएल मॅच यूएईमध्ये होणार आहेत.
Live : बगलिहार धरणाचे दरवाजे उघडलेपाकिस्तानकडून हल्ल्यांचं सत्र सुरूच आहे. आज शुक्रवारी पहाटे पुन्हा एकदा पाकिस्तानताने भारतावर हल्ला केला. यावेळी जम्मूतील पाच ठिकाणी स्फोटाचे आवाज ऐकू आल्याची माहिती आहे.
Shri Guru Ram Das Ji International Airport : अमृतसरमधील गुरु रामदासजी आंतरराष्ट्रीय विमानतळाबाहेर सुरक्षा वाढवलीअमृतसर, पंजाब : श्री गुरु रामदासजी आंतरराष्ट्रीय विमानतळाबाहेर सुरक्षा वाढवण्यात आली आहे. पुढील सूचना मिळेपर्यंत विमानतळाचे सर्व कामकाज बंद ठेवण्यात आले आहे.
जम्मू आणि काश्मीर : चिनाब नदीवर बांधलेल्या रियासी येथील सलाल धरणाचे ३ दरवाजे उघडण्यात आले आहेत. सध्या भारत-पाकिस्तानमध्ये तणावपूर्णस्थिती आहे.
बंगळूर : हावेरी जिल्ह्यातील ब्याडगीजवळ गुरुवारी (ता. ८) सकाळी झालेल्या भीषण अपघातात मोटारीमधील सहा जणांचा जागीच मृत्यू झाला, तर अपघातात दोघे जण गंभीर जखमी झाले असून, त्यापैकी एकाची प्रकृती अत्यवस्थ आहे. जखमींना उपचारासाठी रुग्णालयात दाखल करण्यात आले आहे. मृतांची ओळख पटली असून हरिहर येथील रहिवासी फरान (वय २७), राणेबेन्नूर येथील रहिवासी एम्मिशिपा (१६), गोव्यातील पणजी येथील रहिवासी अलिशा (२०) आणि पुलखान (१७) अशी चौघांची नावे आहेत. अन्य दोघांची नावे समजू शकली नाहीत. सर्व मृत व्यक्ती राणेबेन्नूर शहरातील बेकरी व्यापारी अशोक यांचे नातेवाईक असल्याचे सांगितले जात आहे.
Omar Abdullah : भारताने पाकिस्तानचे 50 हून अधिक ड्रोन यशस्वीरित्या पाडले खालीकाल रात्री, जेव्हा पाकिस्तानने नियंत्रण रेषा (LoC) आणि आंतरराष्ट्रीय सीमांवर (IB) विविध ठिकाणी झुंडीच्या स्वरूपात ड्रोन पाठवण्याचा अयशस्वी प्रयत्न केला, तेव्हा उधमपूर, सांबा, जम्मू, अखनूर, नगरोटा आणि पठाणकोट भागांमध्ये भारतीय लष्कराच्या हवाई संरक्षण विभागाने मोठ्या प्रमाणावर काउंटर-ड्रोन ऑपरेशन राबवले. या ऑपरेशनदरम्यान 50 हून अधिक ड्रोन यशस्वीरित्या निष्प्रभावी करण्यात आले. या कारवाईत L-70 गन, Zu-23 मिमी तोफा, शिल्का प्रणाली आणि इतर अत्याधुनिक काउंटर-UAS उपकरणांचा मोठ्या प्रमाणावर वापर करण्यात आला, असे सूत्रांनी सांगितले आहे.
जम्मू आणि काश्मीरचे मुख्यमंत्री ओमर अब्दुल्ला यांनी ट्विट केलंय की, "काल रात्री जम्मू शहर आणि विभागाच्या इतर भागांवर पाकिस्तानी ड्रोनने केलेल्या अयशस्वी हल्ल्यानंतर परिस्थितीचा आढावा घेण्यासाठी मी जम्मूला जात आहे."
जम्मू : भारत-पाकिस्तान सीमेवर तणावाच्या पार्श्वभूमीवर, गुरुवारी रात्री दहशतवाद्यांच्या एका गटाने सांबा येथे आंतरराष्ट्रीय सीमेवरून घुसखोरी करण्याचा प्रयत्न केला. दरम्यान, सतर्क असलेल्या बीएसएफ (सीमा सुरक्षा दल) जवानांनी जैश-ए-मोहम्मद संघटनेचे 10 ते 12 दहशतवादी ठार केल्याचं कळतं आहे.
Indian Army : कर्नाटकातील प्रार्थनास्थळांमध्ये आज नमाज पठणबंगळूर : लष्कराच्या ‘ऑपरेशन सिंदूर’चे सर्वत्र कौतुक होत आहे. या संदर्भात देशाच्या तिन्ही सशस्त्र दलांच्या सैनिकांबद्दल कृतज्ञता व्यक्त करण्यासाठी आज (ता. ९) कर्नाटकातील सर्व प्रार्थनास्थळांमध्ये विशेष नमाज पठण केली जाईल, असे अल्पसंख्याक व्यवहार मंत्री बी. झेड. जमीर अहमद यांनी सांगितले.
Helicopter Crashes in Uttarakhand : उत्तराखंडमध्ये हेलिकॉप्टर कोसळून सहा ठारउत्तरकाशी : उत्तराखंडमधील उत्तरकाशी जिल्ह्यात गंगोत्री मंदिराला जाणारे हेलिकॉप्टर काल सकाळी पावणेनऊच्या सुमारास कोसळून झालेल्या अपघातात चालकासह सहा जण ठार झाले. एक जण गंभीर जखमी झाला. मृतांमध्ये पाच महिला यात्रेकरूंचाही समावेश आहे. खासगी कंपनीच्या या हेलिकॉप्टरने एकूण सात यात्रेकरू गंगोत्रीला जात होते.
Operation Sindoor : भारताच्या 'ऑपरेशन सिंदूर'मुळे बिथरलेल्या पाकिस्तानकडून गोळीबार सुरूचLatest Marathi Live Updates 9 May 2025 : पाकिस्तानच्या नऊ शहरांमध्ये गुरुवारी हारोप या अत्याधुनिक ड्रोनच्या साह्याने हल्ले झाले. लाहोर, गुजरांवाला, चकवाल, बहावलपूर, मियानो, कराची, छोर, रावळपिंडी आणि अटक येथे हल्ले झाले. हल्ल्यानंतर पाकिस्तानच्या विविध भागांमध्ये घबराट पसरल्याचे चित्र होते. भारताच्या ‘ऑपरेशन सिंदूर’मुळे बिथरलेल्या पाकिस्तानने भारताच्या ड्रोन हल्ल्यामध्ये चार सैनिक जखमी झाल्याचा दावा केला. तसेच ‘ऑपरेशन सिंदूर’द्वारे पाकिस्तानी दहशतवादी संघटनांचे कंबरडे मोडल्यानंतर भारताने पाकिस्तानच्या हवाई संरक्षण यंत्रणांवर जोरदार मारा करून लाहोरची संरक्षण यंत्रणा निकामी करून टाकली. १९७१ च्या युद्धानंतर लाहोरवर भारताचा हा पहिलाच हल्ला आहे. ‘ऑपरेशन सिंदूर’ ही भारताची दहशतवाद्यांविरुद्धची संयमित, नियंत्रित आणि तणाव टाळणारी कारवाई असून पाकिस्तानने यापुढे कोणतीही चिथावणीखोर कृती केल्यास ती संघर्ष वाढवणारी ठरेल, असा सज्जड दम भारताने पाकिस्तानला दिलाय. उत्तराखंडमधील उत्तरकाशी जिल्ह्यात गंगोत्री मंदिराला जाणारे हेलिकॉप्टर काल सकाळी पावणेनऊच्या सुमारास कोसळून झालेल्या अपघातात चालकासह सहा जण ठार झाले. एक जण गंभीर जखमी झाला. लष्कराच्या ‘ऑपरेशन सिंदूर’चे सर्वत्र कौतुक होत आहे. या संदर्भात देशाच्या तिन्ही सशस्त्र दलांच्या सैनिकांबद्दल कृतज्ञता व्यक्त करण्यासाठी आज कर्नाटकातील सर्व प्रार्थनास्थळांमध्ये विशेष नमाज पठण केली जाईल, असे अल्पसंख्याक व्यवहार मंत्री बी. झेड. जमीर अहमद यांनी सांगितले. त्याचबरोबर राज्यातील वातावरणात बदल पहायला मिळत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..
