விஷால் தென்னிந்திய சினிமாவில் பணியாற்றும் பிரபலமான புகழ்பெற்ற நடிகர் ஆவார். இவரது தந்தை ஜிகே ரெட்டி பிரபலமான தயாரிப்பாளர். அதன் மூலம் சினிமாவில் நடிக்கும் வாய்ப்பு விஷாலுக்கு கிடைத்தது. ஆரம்பத்தில் நடிகர் அர்ஜுனிடம் உதவி இயக்குனராக பணிபுரிந்தார் விஷால். 2004 ஆம் ஆண்டு செல்லமே திரைப்படத்தின் மூலம் தமிழ் சினிமாவில் நாயகனாக அறிமுகமானார் விஷால்.

தொடர்ந்து சிவப்பதிகாரம், திமிரு போன்ற திரைப்படங்களில் நடித்தார் விஷால். 2007 ஆம் ஆண்டில் தாமிரபரணி திரைப்படத்தில் நடித்ததன் மூலம் திருப்புமுனையை பெற்றார் விஷால். தொடர்ந்து மலைக்கோட்டை, சத்யம், தோரணை, தீராத விளையாட்டுப் பிள்ளை, அவன் இவன் என வெற்றி திரைப்படங்களில் நடித்து 2010 கால கட்டத்தில் புகழின் உச்சியில் முன்னணி நடிகராக இருந்தார் விஷால்.

பின்னர் பட்டத்து யானை, பாண்டியநாடு, நான் சிகப்பு மனிதன், ஆம்பள, பாயும்புலி, மருது, கத்தி சண்டை, துப்பறிவாளன் சண்டக்கோழி 2, மதகஜராஜா போன்ற பல வெற்றி திரைப்படங்களில் நடித்திருக்கிறார் விஷால். தற்போது துப்பறிவாளன் 2 படத்தை அவரே இயக்கி நாயகனாகவும் நடிக்கிறார் என்ற தகவல் வெளியாகி இருக்கிறது.

இந்நிலையில் மதகஜராஜா திரைப்பட நிகழ்ச்சியில் கலந்து கொண்ட விஷால் கை நடுக்கத்துடன் ஆளே மாறிப்போய் கலந்து கொண்டது பல சர்ச்சைகளை ஏற்படுத்தியது. அதற்கு அடுத்ததாக எனக்கு சாதாரண காய்ச்சல் தான் வேறு ஒன்றும் இல்லை நான் நலமாக இருக்கிறேன் என்று விஷால் பேட்டி அளித்திருந்தார். அதை தொடர்ந்து தற்போது கூவாகத்தில் திருநங்கைகள் நடத்தும் அழகி போட்டி நிகழ்ச்சியில் கலந்து கொண்ட விஷால் திடீரென்று மயக்கமடைந்து இருக்கிறார். இதற்கும் பல சர்ச்சைகள் கிளம்பியது. அதற்கு அவர் விளக்கம் அளித்திருக்கிறார்.

விஷால் கூறியது என்னவென்றால், என் உடல் நிலையில் இவ்வளவு மாற்றம் ஏற்பட்டதற்கு காரணம் நான் குடிப்பழக்கம் கொண்டவன் குடித்துவிட்டு தான் மேடை ஏறி பேசுவேன் என்று கூறுகிறார்கள். அப்படி எதுவுமே இல்லை. நான் புகை பிடிக்கும் பழக்கத்தை விட்டு பல வருஷங்கள் ஆகிறது. அதேபோல் குடிப்பழக்கத்தை விட்டு இரண்டு வருடங்கள் ஆகிறது. பலர் பேசுவது போல் எனக்கு எந்த வித நோய்களோ எதுவும் கிடையாது என்று விளக்கம் அளித்திருக்கிறார் விஷால்.