Chhagan Bhujbal's Oath Ceremony on Tuesday

महाराष्ट्राच्या राजकारणात पुन्हा एकदा मोठा बदल होण्याची शक्यता आहे. छगन भुजबळ मंगळवारी (२० मे) राजभवनावर शपथ घेण्याची शक्यता आहे, अशी माहिती राजकीय वर्तुळात फिरत आहे. उद्या सकाळी १० वाजता मुंबईतील राजभवन येथे शपथविधी सोहळा होणार असल्याचे वृत्त आहे. भुजबळ गेल्या काही महिन्यांपासून नाराज होते. त्यांना अपेक्षित महत्त्व न मिळाल्यामुळे त्यांनी अनेकदा असंतोष व्यक्त केला होता. आता त्यांची नाराजी दूर करण्यासाठीच त्यांना मंत्रिमंडळात सामील केलं जाण्याची शक्यता आहे.

विशेष म्हणजे, त्यांच्या हाती धनंजय मुंडेंचं महत्त्वाचं खाते सोपवलं जाऊ शकतं, अशी चर्चाही रंगली आहे. राष्ट्रवादीचे ज्येष्ठ नेते असूनही महायुतीच्या मंत्रिमंडळात छगन भुजबळांना स्थान मिळालं नव्हतं. त्यामुळे भुजबळ नाराज होते आणि मंत्रिपद न मिळाल्याची खंत त्यांनी अनेकदा व्यक्त केली होती. आता त्यांना मंत्रीपद देऊन त्यांची नाराजी दूर करण्याचा हा प्रयत्न असल्याची चर्चा आहे.