Raveena Tandon: बॉलिवूड अभिनेत्री रवीना टंडनला जागतिक पर्यावरण दिनानिमित्त महाराष्ट्राचे मुख्यमंत्री देवेंद्र फडणवीस यांच्या हस्ते पर्यावरणीय आणि सामाजिक कार्यासाठी सन्मानित करण्यात आले. या प्रसंगी रवीनाला पर्यावरण संवर्धन, प्राणी कल्याण आणि सामाजिक कार्यातील योगदानाबद्दल गौरव प्राप्त केला.

रवीनाने तिच्या वर या सन्मानाचा फोटो शेअर करत, "पर्यावरणासाठी केलेल्या कार्याबद्दल माननीय मुख्यमंत्री @devendra_fadnavis यांच्या हस्ते सन्मानित झाले. #environmentday" असे कॅप्शन दिले. या कार्यक्रमात रवीनाची सासू रेश्मा थडानी आणि दत्तक मुलगी छाया आणि मलानी यांचा वाढदिवसही साजरा करण्यात आला.

केवळ अभिनेत्री नसून, त्या एक पर्यावरणप्रेमी, वन्यजीव छायाचित्रकार आणि समाजसेविका आहेत. वयाच्या २१ व्या वर्षी तिने दोन मुली दत्तक घेतल्या आणि बाल चित्रपट सोसायटी ऑफ इंडियाच्या सर्वात तरुण अध्यक्षा बनली. तिच्या 'रुद्र फाउंडेशन'च्या माध्यमातून तिने महिला, बालक आणि प्राणी कल्याणासाठी अनेक उपक्रम राबवले आहेत. पंतप्रधान नरेंद्र मोदी यांनीही तिच्या अवयवदान प्रोत्साहनासाठी केलेल्या कार्याचे कौतुक केले आहे.

कोविड-१९ महामारीच्या काळात, रवीनाच्या फाउंडेशनने दक्षिण विभागाच्या पोलीस उपायुक्तांबरोबर सहयोग करून ऑक्सिजन सिलिंडर गरजूंपर्यंत पोहोचवले. तसेच, ती महाराष्ट्राच्या वन्यजीव सद्भावना राजदूत म्हणून कार्यरत आहे आणि W20 (G20 च्या महिला सक्षमीकरण गट) मध्ये मनोरंजन उद्योगाचे प्रतिनिधित्व करणाऱ्या पहिल्या कलाकार ठरल्या आहेत.