लहान मुलं असोत वा मोठी माणसं बहुतेक लोकांना चॉकलेट किंवा त्यापासून बनवलेले पदार्थ खायला खूप आवडतात. चॉकलेट बिस्किटे असोत किंवा केक, त्याची चव अप्रतिमच लागते. पण बाजारात उपलब्ध असलेल्या बहुतेक कुकीजमध्ये अंड मिक्स असतात, ज्यामुळे शाकाहारी लोकं हे कुकीज खाणे टाळतात. जर तुम्हालाही बेकरीमध्ये मिळणाऱ्या चविष्ट आणि कुरकुरीत चॉकलेट चिप कुकीजचे वेड असेल, तर आता हे चॉकलेट चिप कुकीज खरेदी करण्याची गरज नाही. तुम्ही अंड्यांशिवायही घरी सहज बनवू शकता. कारण घरगुती कुकीज केवळ चविष्टच नसतात तर त्या आरोग्यदायी देखील असतात.

चॉकलेट चिप कुकीजचे नाव ऐकताच तुम्हाला खाण्याची इच्छा होते. त्यामुळे गोड पदार्थांची तुमची क्रेविंगसुद्धा कमी होते आणि तुमचा मूडही सुधारतो. जेव्हा चॉकलेट चिप्सचे गोड-कुरकुरीत तुकडे प्रत्येक चाव्याव्दारे मऊ पिठात विरघळतात तेव्हा ते खाल्ल्यानंतर तुमचा मूड लगेचच आनंदी होतो. संध्याकाळच्या चहासोबत हे चॉकलेट चिप कुकीज खाण्याचा आनंद वेगळाच असतो. चला तर मग आजच्या या लेखात आपण या चॉकलेट चिप कुकीज कसे घरच्या घरी कसे बनवू शकतात ते जाणून घेऊयात…

चॉकलेट चिप कुकीजचे साहित्य

चॉकलेट चिप्स कुकीज बनवायला अगदी सोपी आहेत. तुम्ही हे अंड्यांशिवाय घरी बनवू शकता. तसेच घरी उपलब्ध असलेल्या काही सोप्या वस्तुंनी सुद्धा बनवता येतात. तर यासाठी तुम्हाला लागणारे आवश्यक साहित्य जाणून घेऊयात…

चॉकलेट

बटर

पांढरी साखर

ब्राऊन शुगर

दूध

व्हॅनिला अर्क

बेकिंग सोडा

बेकिंग पावडर

चॉकलेट चिप्स कुकीज कशा बनवायच्या?

चॉकलेट चिप्स कुकीज बनवण्यासाठी सर्वप्रथम बटर आणि साखर मोठ्या ताटात घेऊन हलके आणि मऊ म्हणजेच फ्लाफी होईपर्यंत मिक्स करा. आता त्यात दूध आणि व्हॅनिला मिक्स करा. आता दुसऱ्या भांड्यात चाळणीच्या मदतीने मैदा, बेकिंग पावडर, बेकिंग सोडा मिक्स करा आणि यात वरील बटर व साखरेचे तयार मिश्रण त्यात टाकून मऊ पीठ तयार करा.

आता एका भांड्यात काही चॉकलेट चिप्स काढा जे तुम्ही टॉपिंग म्हणून वापरणार आहात. आता तयार केलेले पीठ एक तासासाठी फ्रीजमध्ये सेट होण्यासाठी ठेवा.

आता त्याचे छोटे गोळे बनवा आणि त्यावर चॉकलेट चिप्स टाका. जर तुम्हाला जास्त चॉकलेट बिस्किटे बनवायची असतील तर तुम्ही त्यावर चॉकलेट सिरप लावू शकता आणि दुसऱ्या छोट्या पिठाच्या गोळ्याने झाकून ठेवू शकता. यानंतर ओव्हन मध्ये बेक करा. ओव्हन नसल्यास तुम्ही 40 मिनिटासाठी गॅसवर तवा ठेऊन त्यावर एक मोठे भांडे ठेवा ज्यात तुम्ही कुकीज बेक करू शकाल, आता या भांड्याच्या आत जाडे मीठ पसरवा 10 मिनिट प्री हिट होऊ द्या त्यानंतर यामध्ये कुकीज ट्रे ठेवा आणि बेक होऊ द्या. आता तुम्ही या कुकीज थंड झाल्यावर हवाबंद डब्यात ठेवू शकता. यामुळे त्या आणखी चविष्ट होतील आणि मुलांना चॉकलेट चिप्स कुकीज खूप आवडतील. ते एका आठवड्यासाठी सहज साठवता येतात.