Dhanush: பிரபல நடிகர் தனுஷ் நடிப்பில் மட்டுமல்ல தற்போது மேடை பேச்சுகளிலும் கூட மாஸ் காட்டி ஆச்சரியப்படுத்தி வருகிறார். இதனிடையில் அவர் குறித்த ஒரு விஷயம் வைரலாகி வருகிறது.

தனுஷ் இயக்குனர் கஸ்தூரி ராஜாவின் மகனாக சினிமாவில் அறிமுகமானவர். முதல் படமே அண்ணன் செல்வராகவனின் இயக்கத்தில் வந்தாலும் தன்னுடைய நடிப்பால் தனி அடையாளம் பெற்றவர். தொடர்ச்சியாக அவருக்கு வாய்ப்புகளும் குவிந்தது.

தமிழ் சினிமாவின் மற்ற நடிகர்களுக்கு கிடைக்காத அங்கீகாரம் தனுஷிற்கு உண்டு. தமிழை தாண்டி இந்தி, ஹாலிவுட் வரை சென்று நடித்து வந்தவர். பொதுவெளியில் பெரிய அளவில் வெஸ்டர்ன் உடையில் வராமல் வேட்டை, சட்டையுடன் எளிமையாக வருவதாக கூறப்படுகிறது.

ஆனால் ஒவ்வொரு விழாவிலும் தனுஷ் அணிந்திருக்கும் கடிகாரம் தான் பெரிய பேச்சாசி இருக்கிறது. ஒவ்வொரு மேடைக்கும் தனுஷின் கையில் இருக்கும் கடிகாரம் மாறிக்கொண்டே இருக்கும். தற்போது இதையே டிரெண்டாக செய்து வருகிறார்.

சமீபகாலமாக ரோலக்ஸ் டே 40 வாட்ச்சை தான் எல்லா விழாக்களுக்குமே தனுஷ் அணிந்து வந்தார். ஆகாஷ் பாஸ்கரனின் இல்ல விழா தொடங்கி ராயன் மேடை வரை அந்த வாட்சுடன் வந்தார். அதன் விலை மட்டுமே சுமார் 1 கோடியே 56 லட்சம் எனக் கூறப்படுகிறது.

சமீபத்தில் நடந்த குபேரா விழாவில் தனுஷ் அணிந்திருந்த வாட்ச் எஃபி ஜோர்ன் என்ற நிறுவனத்துடையது. அதன் விலை சுமார் 86 லட்சம் எனக் கூறப்படுகிறது. இந்த நிறுவனத்தின் தலைமை அதிகாரி எஃபி ஜோர்னை சந்தித்த புகைப்படங்கள் இணையத்தில் வெளியாகி வைரலாக பரவியது.

அதை தொடர்ந்தே ரோலக்ஸில் இருந்து தனுஷ் இந்த நிறுவன வாட்சுகளுக்கு மாறி இருக்கிறார். டிரஸில தான் சிம்பிள் கையில் இத்தனை லட்சமா என ரசிகர்கள் வாய் பிளந்து வருகின்றனர்.

மேலும் இதற்கு முன்னர் தனுஷ் ரிச்சர்ட் மில்லே, ஒமேகா உள்ளிட்ட வாட்ச்களை பயன்படுத்தி வந்தார் என்பதும் குறிப்பிடத்தக்கது.